སྨར་ཁམས་སུ་ས་སྐྱ་པའི་དགོན་སྡེ་ཁག་ངོ་སྤྲོད།
ས་སྐྱ་གུ་ཎ་དགོན་པ་ནི། ཕྱི་ལོ་༡༢༤༣་ལོ་འཇམ་མགོན་ས་པཎ་གྱི་སློབ་མ་དབུ་ནམ་མཁའ་བཟང་པོས་ཕྱག་བཏབ། འཇམ་མགོན་ས་པཎ་གྱིས་གུ་ཎ་དགོན་པ་ཞེས་མཚན་གསོལ། གུ་ཎ་ནི་ཡོན་ཏན་གྱི་དོན་ཡིན། དགོན་འདི་དར་དུས་གནམ་ལ་ཉི་ཟླ་སྐར་གསུམ། ས་ལ་གུ་འབྲུག་གསེར་གསུམ་ཞེས་གྲགས་པ་ལྟར་གུ་ཎ་དགོན་ཚོ་སུམ་ཅུ་བྱུང་བའི་དུས་སུ་བཤད་སྒྲུབ་ཀྱི་སྡེ་ལྔ་བརྒྱ་ལྷག་བྱུང་ཞིང་། ཕྱིས་སུ་བསྟན་པ་ཉམས་ནས་རྒྱལ་མཚན་དགོན་པ་དང་ལྕགས་ཁང་སྒྲུབ་སྡེ་བཅས་ཡོད། སྐྱབས་རྗེ་གུ་ཎ་པཎ་ཆེན་དགེ་ལེགས་དཔལ་བཟང་ནས་ཀུན་དགའ་རྒྱལ་མཚན་བར་སྐུ་ཕྲེང་བཅུ་བྱོན།