དུས་གསུམ་སངས་རྒྱས་ངོ་བོ་ཉིད། །ཉེས་པའི་སྐྱོན་བྲལ་ཆོས་ཀྱི་སྐུ། །
དངོས་གྲུབ་རྩ་བ་རིན་པོ་ཆེ། །ཞབས་ལ་གུས་པས་ཕྱག་འཚལ་ཏེ། །
སྐྱུར་བ་བྱ་བའི་ཆོས།
རྐུན་ཇག་འཕྲོག་གསུམ་གྱི་འཚོ་བ་སྐྱུར་བར་བྱ།
མདུན་རྒྱབ་གཏམ་བཤད་ཀྱི་སྤྱོད་པ་སྐྱུར་བར་བྱ།
རང་རྒྱལ་གཞན་ཕབ་ཀྱི་རློམ་སེམས་སྐྱུར་བར་བྱ།
གཞན་རྒྱུ་བསླུ་བྲིད་ཀྱི་བསམ་ངན་སྐྱུར་བར་བྱ།
དལ་འབྱོར་ཐོབ་པར་དོན་ཡོད་པས། །སྤྲུལ་སྐུ་བླ་མ་རྗེ་དང་མཇལ། །
དམ་པ་སངས་རྒྱས་རིན་ཆེན་ལ། །ཕག་གྲུ་དགོན་པར་སྙིང་པོ་བླངས། །
རིག་སྟོང་འོད་གསལ་ཆོས་ཀྱི་ཀློང་ཡངས་སུ། །
འཁོར་འདས་དབང་བསྒྱུར་བླ་མ་རྡོ་རྗེ་འཆང་། །
མ་དག་འགྲོ་བའི་མགོན་དཔུང་ཉིད་བྱོན་པའི། །
རྐང་གཉིས་མུན་སེལ་སྒྲོན་མེ་ཞབས་བརྟན་གསོལ། །
འོད་གསལ་ཆོས་དབྱིངས་མེ་ལོང་ལ། །འགྲོ་འོངས་བྱ་བྱེད་མེད་ན་ཡང་། །
སྟོང་གཟུགས་བཤེས་གཉེན་ཚུལ་བསྟེན་པའི། །བླ་མ་ཁྱོད་ལ་དད་ཕྱག་འཚལ། །
ཁ་སང་གྲོགས་པོ་ད་རང་འབྲེལ་ཐག་ཆད། །
ད་ལྟ་མཛའ་བོ་སང་ཉིན་དགྲ་རུ་འགྱུར། །
ཅི་བྱེད་གཏད་སོ་བྲལ་བའི་སྲིད་པ་འདི། །
སྡུག་གི་ཚོར་བ་གྲངས་ཀྱི་ག་ལ་ཆོད། །
དུས་གསུམ་སངས་རྒྱས་འཕྲིན་ལས་མཛེས་པའི་སྐུ། །མ་འདྲེས་དྲུག་ཅུའི་སྙན་འཇེབས་ལྡན་པའི་གསུང། །
ལེགས་ཉེས་ཕྲ་རགས་རྗེན་པར་མཁྱེན་པའི་ཐུགས། །ཉོན་མོངས་དྲི་སེལ་སྒྲོལ་མར་གསོལ་བ་འདེབས། །
ལྷ་བཅས་སྲིད་ཞི་གཙུག་ཏུ་བཀུར་བའི་གཞི། །
མར་གྱུར་འགྲོ་བ་ཀུན་གྱི་སྐྱབས་གཅིག་པུ། །
སྟོན་མཆོག་ཟས་ཙང་སྲས་ཀྱི་སྲོལ་བཏོད་པའི། །
རྟེན་འབྱུང་ལྟ་བའི་རྒྱུད་འཛིན་ཀུན་ལ་འདུད། །