ཆོས་རྗེ་དཀོན་མཆོག་རྡོ་རྗེ་ནི་ཕྱི་ལོ་༡༤༣༧་མེ་སྤྲུལ་ལོ་ཤར་རྒྱལ་མོ་རོང་དུ་ཁང་གསར་ཚང་གི་ཡབ་ཚུལ་ཁྲིམས་དར་རྒྱས་དང་། ཡུམ་ཚེ་རིང་ལྷ་མོ་གཉིས་ལས་སྐུ་འཁྲུངས། དགུང་ལོ་བཅུ་ལ་ཡུམ་འདས།
དགུང་ལོ་བཅུ་གསུམ་ལ་ཡབ་ཀྱིས་བཀྲ་ཤིས་དགོན་གྱི་མཁན་པོ་དོན་གྲུབ་རྡོ་རྗེའི་དྲུང་དུ་བཅོལ། མཁན་པོས་འབྲི་ཀློག་བསླབ་ཅིང་དགུང་ལོ་བཅུ་བཞི་ལ་མཁན་པོ་ལས་རབ་ཏུ་བྱུང་བས་མཚན་དཀོན་མཆོག་རྡོ་རྗེ་གསོལ། མཁན་པོ་ལས་རིག་གནས་དང་མདོ་གཞུང་མང་པོ་ཐོས་བསམ་བྱས། སྨར་ཚང་བཀའ་བརྒྱུད་ཀྱི་ཆོས་སྒོར་ཞུགས་འདུན་སྐྱེས་ནས་དཔལ་གྱི་ཤོ་དགོན་དུ་ཕེབས། ཡེ་ཤེས་རྒྱལ་མཚན་ལས་མདོ་གཞུང་མང་པོ་ལ་ཐོས་བསམ་བྱས་པས་མཁས་པ་གྱུར། ཨ་རྡོ་དཀོན་མཆོག་རྒྱལ་མཚན་ལས་སྨར་ཚང་ཕྱག་ཆེན་སོགས་གསང་ཆོས་ཟབ་མོ་ཐམས་ཅད་ཞུ་ནས་ཙོམ་མདོ་གནས་གསར་དགོན་གྱི་རི་ཁྲོད་ལ་སྒོམ་སྒྲུབ་ཉམས་ལེན་བྱས་པས་ཉམས་རྟོགས་རྒྱས། དགུང་ལོ་ལྔ་བཅུ་ང་གསུམ་ལ་ཙོམ་མདོ་གནས་གསར་དགོན་གྱི་རྒྱལ་ཚབ་བཅུ་པའི་ཐུགས་འགན་བཞེས་པ་སོགས་མཛད་འཕྲིན་རླབས་ཆེན་བསྐྱངས་ནས་ཕྱི་ལོ་༡༤༩༩་ས་ལུག་ལོ་བདེ་བར་གཤེགས། རྒྱལ་སྤྱི་ལོ་རྒྱུས་ཁྲིམས་ལུགས་ལྟར་ལོ་རྒྱུས་འདི་དེབ་སྐྱེལ་བྱས་པའི་བདག་དབང་སྨར་ཚང་བཀའ་བརྒྱུད་རྒྱལ་ཡོངས་ལས་ཁུངས་ལ་ཡོད་པས་ཆོག་མཆན་མེད་པ་གང་འབྱུང་ཕབ་བཤུ་དང་ཡིག་རྐུ་བྱས་ཚེ་ཁྲིམས་ལུགས་ལག་སྟར་བྱ་རྒྱུ་ཡིན།