མཛད་སྒོ།
སྨར་ཚང་བཀའ་བརྒྱུད་དར་ནས་ལོ་ངོ་༨༥༠་ཧྲིལ་པོ་འཁོར་བ་དང་ཆོས་ཚོགས་གསར་པ་སྒོ་འབྱེད་དུས་སྟོན་གནང་བཞིན་པ།
བཀའ་སློབ།
སྨར་ཚད་བཀའ་བརྒྱུད་དར་ནས་ལོ་ངོ་ཧྲིལ་པོ་༨༥༠་འཁོར་་དུས་་སྟོན་དང་ཆོས་ཚོགས་སྒོ་འབྱེད་ལ། སྨར་ཚང་བསྟན་པའི་མངའ་བདག་༧འགྲོ་མགོན་གངས་རི་ཀརྨ་རིན་པོ་ཆེ་མཆོག་གིས་བཀའ་སློབ་གནང་བཞིན་པ།
ཐེ་ཝན།
ཐེ་ཝན་སྨར་ཚང་བཀའ་བརྒྱུད་ཀྱི་ཆོས་ཚོགས་འཕྲིན་ལས་མཁའ་ཁྱབ་གླིང་།།
རྩོད་རྒྱུག
སྨར་ཚང་བཀའ་བརྒྱུད་ལམ་རིམ་ལོ་གསུམ་གྱི་རིང་བསླབ་མཐར་སོན་པ་ལ། འགྲོ་མགོན་༧གངས་རི་ཀརྨ་མཆོག་གིས་རྩོད་རྒྱུག་ལན་བཞིན་པ།
བཀའ་སློབ།
འགྲོ་མགོན་༧གངས་རི་ཀརྨ་རིན་པོ་ཆེ་མཆོག་གིས་བཀའ་སློབ་གནང་བཞིན་པ།
སྨར་ཚང་།
སྨར་ཚང་བཀའ་བརྒྱུད་ཀྱི་བསྟན་པའི་སྲོལ་འཛིན་འགྲོ་མགོན་༧གངས་རི་ཀརྨ་རིན་པོ་ཆེ།
འགྲོ་མགོན།
འགྲོ་མགོན་༧གངས་རི་ཀརྨ་རིན་པོ་ཆེ།
འཇལ་འཕྲད།
ས་སྐྱ་༧གོང་མ་ཁྲི་རབས་ཞེ་གཉིས་པ་སྐྱབས་མགོན་རིན་ཎ་རིན་པོ་ཆེ་དང་སྨར་ཚང་བླ་རབས་སོ་བདུན་པ་འགྲོ་མགོན་གངས་རི་ཀརྨ་རིན་པོ་ཆེ་རྣམ་གཉིས་དབྱིན་ཇི་རྒྱལ་ས་ལོ་གྲོན་ལ་འཇལ་འཕྲད་གནང་བ།

འབྲེལ་གཏུགས།

སྐུ་ཉིད་སྨཪ་ཚང་བཀའ་བརྒྱུད་ལས་ཁུངས་ལ་འབྲེལ་གཏུགས་གནང་བར་ཐུགས་རྗེ་ཆེ། ང་ཚོའི་ཁྱོད་རང་གི་རེད་འདོད་དང་དམིགས་ཡུལ་གང་ཡིན་པ་དེ་དུས་ཐོག་ཕུལ་ཐུབ་པ་ཞུ་རྒྱུ་ཡིན། གནོན།

འགྲོ་མགོན་སྨར་ཚང་བཀའ་བརྒྱུད་ཀྱིས་དབྱིན་ཇི་དང་ཐེ་ཝན་ལ་ལོ་རྟག་ཆོས་ཕྱོགས་ཀྱི་བྱེད་སྒོ་གཏན་ཁེལ་བའི་རིགས་རྣམས་བཤམ་དུ་ངོ་སྤྲོད་མདོར་བསྡུས་ཞུ་ཡོད་པས་གཟིགས་རོགས། གལ་ཏེ་དོག་འདྲི་དགོས་ངེས་མཐོང་ཚེ་ཁ་བྱང་ཐོག་འབྲེལ་གཏུགས་གནང་རོགས། །

Read more ...
  • ཐེ་པེ་ཆོས་ཚོགས།
    ཐེ་པེ་ཆོས་ཚོགས།

     

     

    ༧འགྲོ་མགོན་གངས་རི་ཀརྨ་མཆོག་གིས་ཕྱི་ལོ་༢༠༠༡་ལ་ཐེ་ཝན་གྱི་རྒྱལ་ས་ཐེ་པེ་ལ་གསར་དུ་བསྐྲུན་པའི་སྙིང་རྗེ་ཀུན་ཁྱབ་གླིང་ཞེས་པའི་ཆོས་ཚོགས། 

  • གངས་རི་ཀརྨ།
    གངས་རི་ཀརྨ།

     

     

    འགྲོ་མགོན་༧གངས་རི་ཀརྨ་རིན་པོ་ཆེ།

  • གངས་རི་ཀརྨ།
    གངས་རི་ཀརྨ།

     

     

    འགྲོ་མགོན་༧གངས་རི་ཀརྨ་རིན་པོ་ཆེས་བཞེངས་པའི་བཤད་གྲྭའི་ཐོག་ཏུ་གཟིམ་ཤག་ནང་རྩོམ་བྲིས་བཞིན་པ། 

  • ཐེ་ཝན་ལ།
    ཐེ་ཝན་ལ།

     

     

     

    འགྲོ་མགོན་༧གངས་རི་ཀརྨ་རིན་པོ་ཆེ་མཆོག་མཛད་སྒོར་ཐོག་ཕེབས་བཞིན་པ། 

  • སྨར་ཁམས་གྱི་སློབ་གྲ༎
    སྨར་ཁམས་གྱི་སློབ་གྲ༎

     

     

    འགྲོ་མགོན་༧གངས་རི་ཀརྨ་རིན་པོ་ཆེས་ཕྱི་ལོ་༡༩༩༣་ལོར་ལེགས་གྲུབ་བྱུང་བའི་ཀུན་ཕན་གསོ་སྐྱོང་སློབ་གྲྭ་ཡིན། 

  • ཐེ་ཀྲོང་ཆོས་ཚོགས།
    ཐེ་ཀྲོང་ཆོས་ཚོགས།

     

    འགྲོ་མགོན་གངས་རི་ཀརྨ་རིན་པོ་ཆེས་ཐེ་ཀྲོང་ལ་བཞེངས་པའི་ཆོས་ཚོགས་མཛད་སྒོ་གནང་བཞིན་པ། 

  • ཐེ་ཀྲོང་ཆོས་ཚོགས་གསར་པ།
    ཐེ་ཀྲོང་ཆོས་ཚོགས་གསར་པ།

     

     

    འགྲོ་མགོན་༧གངས་རི་ཀརྨ་རིན་པོ་ཆེས་ཐེ་ཀྲོང་ལ་གསར་དུ་བཞེངས་པའི་ཆོས་ཚོགས་ལ་བཀའ་སློབ་གནང་བཞིན་པ། 

  • ཐེ་ཀྲོང་ཆོས་ཚོགས།
    ཐེ་ཀྲོང་ཆོས་ཚོགས།

     

    འགྲོ་མགོན་༧གངས་རི་ཀརྨ་རིན་པོ་ཆེས་ཐེ་ཀྲོང་ཆོས་ཚོགས་ལ་ཞེ་པ་བཞི་བྲལ་གསུངས་བཞིན་པ།

  • ཞི་བདེ་དེད་དཔོན།
    ཞི་བདེ་དེད་དཔོན།

     

     

    ཕྱི་ལོ་༡༩༩༧་ལོ་འགྲོ་མགོན་༧གངས་རི་ཀརྨ་རིན་པོ་ཆེ་མཆོག་སླར་བྲོས་འབྱོར་སླེབས་དུ་༧རྒྱལ་དབང་བཅུ་བཞི་པ་དང་མཇལ་འཕྲད་གནང་བ།

འདིར་ཕེབས་པའི་སྐུ་མགྲོན་རྣམ་པར་བཀྲ་ཤིས་བདེ་ལེགས་ཞུ། 

ཕྱི་ལོ་༢༠༡༤་ཟླ་བ་༡༢་ཚེས་༢༦་ཆུ་ཚོད་༡༢་དང་ཕྱེད་ཀར་ཐོག་རྡ་སར་བོད་གཞུང་དཔེ་མཛོད་ཁང་གི་ཚོགས་ཁང་ནང་དུ།

Read more ...

                                                ༄༅། །ཤོ་ཙོམ་དཔྱད་པའི་ཚངས་ཐིག །                         

                                                          ཇོ་སྲས་དང་པདྨ་སོགས་ཀྱིས་སྨར་བྲག་གི་ལོ་རྒྱུས་

                                                               ལ་ཡོ་བསྲང་གི་ཆེད་དུ་ཕུལ།

 

ཨ་མྱེས་རྨ་ཆེན་བོད་ཀྱི་རིག་གཞུང་ཞིབ་འཇུག་ཁང་གི་འགན་འཛིན་ཇོ་སྲས་བཀྲ་ཤིས་ཚེ་རིང་ལགས་ཀྱིས་གྲུབ་ཆེན་ཉག་རེ་སེ་བའི་ལོ་རྒྱུས་དང་མགུར་འབུམ་དཔར་བསྐྲུན་བྱས་པའི་དེབ་དང་། པདྨ་དང་བློ་བཟང་གཉིས་ཀྱི་བླ་དགོན་ལོ་རྒྱུས་བྲིས་པའི་དེབ་གཉིས་ཀྱི་ནང་དུ་སྨར་བྲག་གཉིས་ཀྱི་ལོ་རྒྱུས་ཕྱོགས་མང་པོ་ཞིག་དྲང་བདེན་ལས་བརྒལ་བ་གསུངས་འདུག་ཀྱང་། སྨར་ཚང་བཀའ་བརྒྱུད་ཀྱི་ཆོས་འབྱུང་འབྲི་དུས་ཡོ་བསྲང་བྱེད་ན་འགྲིག་སྙམ་ནས་མི་སྨྲ་བའི་རྟུལ་ཞུགས་བཟུང་ནས་བསྡད་པ་ཞིག་ཡིན། ད་ལན་མདོ་བསྟོད་ལོ་རྒྱུས་ནང་དུ་སྨར་བྲག་གཉིས་ཀྱི་ལོ་རྒྱུས་མི་མཐུན་པ་རྣམས་སོ་སོའི་ཁུངས་སུ་དྲུད་ཐབས་ཆེད་དུ། བྲག་གཡབ་བ་ཞིག་གིས་བཀྲ་ཤིས་ཚེ་རིང་ལ་བཅར་འདྲི་བྱས་དུས། ཆོས་རྗེ་སྨར་པའི་འཁྲུངས་ཡུལ་བྲག་གཡབ་རང་འགྲུབ་དཔོན་ཚང་རེད་ཅེས་ཚིག་ཐག་བཅད་ནས་བཤད་པ་སོགས་རྐྱེན་མང་པོ་ཞིག་ལ་བརྟེན་ནས།

སྨར་ཁམས་པ་གཞོན་སྐྱེས་འགའ་ཞིག་གིས་ཆུ་ཕུགས་ནས་རྙོག་མཁན་ཀླུ་རྡོ་དང་། ར་བྲག་ལ་སྦྱར་མཁན་ཐེ་རང་དེ་བཀྲ་ཤིས་ཚེ་རིང་རེད་འདུག་པས་ལན་ཞིག་འབྲི་དགོས་ཚུལ་བསྐུལ་མ་ཡང་ཡང་བྱུང་བས། ཁོ་བོ་ལས་བྲེལ་ཧ་ཅང་ཆེ་ཡང་མིག་གིས་མཐོང་བཞིན་ཡོ་བསྲང་མ་བྱེད་ན། ལོ་རྒྱུས་ལ་འགན་འཁུར་མེད་པའི་ཉེས་ཅན་པ་ཞིག་འགྱུར་ཉེན་མཐོང་སྟེ། དུས་ལ་བབ་པའི་ཆར། ཐོ་ལ་ཕོག་པའི་མདའ། གནད་ལ་འཐད་པའི་གཏམ་ལན་འདི་ལྟར་སྨྲ་བར་བྱ།

དེ་ཡང་བོད་པའི་ཉམས་ཞིབ་པ་དང་ཕྱི་རྒྱལ་ཉམས་ཞིབ་པ་ཚད་ཐུབ་མང་པོའི་ལྷན་དུ་བགྲོ་གླེང་བྱས་པའི་ཉམས་མྱོང་ལ་བལྟས་ན། ལོ་རྒྱུས་དང་། རྣམ་ཐར། ས་མཚམས་སོགས་དཔྱད་གཞི་དེ་ཉིད་མཐོང་ཐོས་མྱོང་གསུམ་གྱུར་པའི་རྩོམ་པོའི་བརྗོད་བྱ་ལ་བདེན་དཔང་ཆེན་ཤོས་སུ་འཇོག་དགོས་པ་དང་། དེ་ནས་མར་ཡུལ་དུས་ཇི་སྲིད་ཐག་རིང་ན་དེ་སྲིད་བདེན་དཔང་མི་རུང་བའི་ལྟ་ཚུལ་གཅིག་མཚུངས་ཡིན། དཔེར་ན། བོད་ཀྱི་ལོ་རྒྱུས་ལ་དཔྱད་དུས་སྲོང་བཙན་སྐབས་ཀྱི་ཏུན་ཧོང་ཡིག་རྙིང་དང་། ཐང་ཡིག་གསར་རྙིང་། ཁྲི་སྲོང་སྐབས་ཀྱི་སྦ་ཡེ་ཤེས་དབང་པོས་བྲིས་པའི་སྦ་བཞེད་ཞབས་བཏགས་མ་སོགས་དུས་སྐབས་དེ་ཉིད་ལ་རྩོམ་པ་པོའི་བརྗོད་བྱ་དང་མིང་ཚིག་ལ་བདེན་དཔང་བཟུང་ནས་ལོ་རྒྱུས་གཏན་ལ་ཕབ་ཅིང་། ཁ་སྒྲུང་དང་ལྷ་སྒྲུང་འདྲེས་མའི་ལོ་རྒྱུས་བྲིས་པའི་དེབ་ཆག་འགའ་ཞིག་གི་ནང་དུ་འགན་འཁུར་མེད་པའི་གཏམ་བཤད་ལ་གཞི་འཛིན་བ་ནི་དྲང་བདེན་ལས་བརྒལ་བའི་ལོ་རྒྱུས་ཀྱི་རྨ་ཁ་ཆེན་ཤོས་ཤིག་རེད།

 

                   སྔར་བྲག་གཡབ་ལ་སྨར་ཤོད་ཅེས་པའི་མིང་ཚིག་ཡོད་ཚུལ་སྨྲ་བར་སུན་ཕྱུང་བ།

དེ་ཡང་ལོ་རྒྱུས་ཁུངས་ཐུབ་དང་ཡིག་རྙིང་དག་ལ་ཞིབ་དཔྱད་བྱས་དུས་ཆོས་རྗེ་སྨར་པ་རིན་པོ་ཆེ་དང་གྲུབ་ཆེན་ཉག་རེ་སེ་བ། མཁན་ཆེན་དྲི་མེད་འོད་ཟེར་གསུམ་གྱི་སྐུ་དུས་ལ་ཉག་བྲེའམ་བྲག་གཡབ་ཀྱི་རི་ལུང་གང་དུ་ཡང་སྨར་ཤོད་ཟེར་བའི་མིང་འདི་བྲིས་སྲོལ་བྱུང་མེད་དེ། ཆོས་རྗེ་སྨར་པའི་མགུར་འབུམ་དང་དཔོན་སྡེ་ཁག་ལ་འཕྲིན་ཡིག་དང་། ཞལ་སློབ་ཁག་ལ་གདམས་འཕྲིན། རྗེ་སྨར་པའི་རྣམ་ཐར་སོགས་ལ་སྨར་ཤོད་ཟེར་བའི་མིང་ཚིག་གཅིག་གཏན་ནས་མེད།

གཞན་ཡང་ཨ་མྱེས་རྨ་ཆེན་དང་འགྲོ་ཕན་གཙུག་ལག་གཉིས་ཀྱིས་དཔར་བསྐྲུན་བྱས་པའི་ཉག་སེའི་མགུར་འབུམ་ཤོག་གྲངས་༨༢་ཡོད་པ་དེ་ཉིད་ལས། སྨར་ཁམས་ཞེས་པའི་མིང་ཚིག་འདི་བཅུ་དྲུག་དྲངས་ཡོད་ཀྱང་སྨར་ཤོད་ཟེར་བའི་མིང་ཚིག་གཅིག་གཏན་ནས་མེད་དེ། མགུར་འབུམ་དེ་ཉིད་ལས།

༡ སྨར་ཁམས་ཉག་བྲེ་ཡུལ་དུ་་། ༢ སྨར་ཁམས་རྟོག་རྗེས་བསབ་དུས་འོང་་།  ༣ སྨར་ཁམས་ལ་ཏོག་་། ༤ སྨར་ཁམས་ཉག་བྲེའི་ཡུལ་ཕྱོགས་སུ་་། ༥ སྨར་ཁམས་ཉག་བྲེའི་ཡུལ་དུ་སྔ་སྐྱིད་ཀྱི་བུ་་།༦ཐང་ཅིག་སྨར་ཁམས་རྟོག་རྗེས་་། ༧ སྨར་ཁམས་བདུད་ཀྱི་གཅོང་རོང་དུ་་། ༨ སྨར་ཁམས་སྡུག་རྩོད་བྱེད་དུས་སུ། ༩  སྨར་ཁམས་གོ་འཇོ་ལ་ཁྲེལ་མེད་པ་འོང་་། ༡༠ སྨར་ཁམས་ཉག་བྲེའི་དྲིན་ལན་དང་་། ༡༡ སྨར་ཁམས་ཀྱི་མི་ལ་ལོང་བ་མང་་།  ༡༢ སྨར་ཁམས་རྟོ་རྗེས་་། ༡༣ སྨར་ཁམས་ཉག་བྲེའི་ས་་། ༡༤ སྨར་ཁམས་མི་དཔོན་བླ་དཔོན་་། ༡༥ སྨར་ཁམས་ན་ལྡོག་་། ༡༦ སྨར་ཁམས་དར་ཞེས་པ་ལྟར། ཞེས་སོགས་ཡིན།

ཉག་སེའི་མགུར་འབུམ་དེ་ཉིད་ལས། སྨར་པ་ཞེས་པའི་མིང་ཚིག་འདི་ཐེངས་བདུན་དྲངས་ཡོད་ཀྱང་སྨར་ཤོད་ཟེར་བའི་མིང་ཚིག་འདི་གཏན་ནས་མེད་དེ།  དེ་ཉིད་ལས།༡ སྨར་པ་་། ༢ སྨར་པ་རིན་ཆེན་བློ་གྲོས་་། ༣ སྨར་པའི་ཕྱག་ནས་ཕག་ཤ་ཕྲོག་་། ༤ ཆོས་རྗེ་སྨར་པའི་དབུ་ལོ་ཡོད་་། ༥ སྨར་པའི་སྐུ་འདྲ་གཏིང་ནས་ཆོས་་། ༦ སྨར་པ་ངེད་གཉིས་བུ་སྤུན་ཚུལ་་། ༧ གྲོགས་པོ་སྨར་པ་སྐྱེ་བ་ལ་་། ཞེས་སོགས་ཡིན།

ཉག་སེའི་མགུར་འབུམ་དེ་ཉིད་ལས། སྨར་ཚང་ཞེས་པའི་མིང་ཚིག་འདི་ཐེངས་ལྔ་དྲངས་ཡོད་ཀྱང་སྨར་ཤོད་ཟེར་བའི་མིང་ཚིག་འདི་གཏན་ནས་མེད་དེ། དེ་ཉིད་ལས།༡ སྨར་ཚང་ཕྱག་ཏུ་རྟོགས་་། ༢ ཡང་སྒོས་སྨར་ཚང་གི་བུ་རྒྱུད་རྣམས་།༣ སྨར་ཚང་བསྟན་པ་གསོ་བ་ལ་་། ༤ སྨར་ཚང་བསྟན་པ་སྲུང་དུས་འོང་་། ༥ འགྲོ་དོན་གྱི་ལྷག་མ་བསྐྱང་དུ་འོང་། ཞེས་སོགས་ཡིན།

ཉག་སེའི་མགུར་འབུམ་དེ་ཉིད་ལས།  ཤོ་དགོན་ཞེས་པའི་མིང་ཚིག་འདི་ཐེངས་ལྔ་དྲངས་ཡོད་ཀྱང་སྨར་ཤོད་ཟེར་བའི་མིང་ཚིག་འདི་གཏན་ནས་མེད་དེ། དེ་ཉིད་ལས།༡ ཤོ་དགོན་ལ་སྐྱ་ཉོག་འདྲེས་དུས་འོང་་། ༢ ཤོ་དགོན་གདན་ས་སྡུག་གིས་བཟུང་་།༣ གདན་ས་ཆེན་མོ་ཤོ་དགོན་ཡིན་་་། ༤ ཤོ་དགོན་གདན་ས་ཆེན་པོ་རུ་་། ༥ ཤོ་དགོན་པ་བསྟན་ཇི་དམའ་འགྲོ། ཞེས་སོགས་ཡིན།

ཉག་སེའི་མགུར་འབུམ་དེ་ཉིད་ལས།  ཤོད་ཅེས་པའི་མིང་ཚིག་འདི་ཐེངས་བཞི་དྲངས་ཡོད་ཀྱང་སྨར་ཤོད་ཟེར་བའི་མིང་ཚིག་འདི་གཏན་ནས་མེད་དེ། དེ་ཉིད་ལས།༡  རོང་ཚ་བ་ཤོད་ཀྱི་ས་གཏོལ་ཡོད་་། ༢ ཡུང་ཤོད་བདུད་ཀྱི་བླ་རྡོ་ཡོད་་། ༣ སྲུང་ཤོད་ལུང་པར་ཤུད་ཀེ་་། ༤ ཚ་བ་ཤོད་སྟོད་འབར་རབ་སྒང། ཞེས་སོགས་ཡིན།

ཉག་སེའི་མགུར་འབུམ་དེ་ཉིད་ལས། སྨེར་གཤིས་ཞེས་པའི་མིང་ཚིག་འདི་ཐེངས་གསུམ་དྲངས་ཡོད་ཀྱང་སྨར་ཤོད་ཟེར་བའི་མིང་ཚིག་འདི་གཏན་ནས་མེད་དེ། དེ་ཉིད་ལས།༡ སྨེར་གཤིས་ཕུ་མདའ་ཉིན་སྲིད་ན་ཞལ་མལ་ཅིག་མ་རྙེད་་་། ༢ ནུབ་སྒང་གཅིག་འོག་གཤམ་དུ་མཆན་ལ་ཞེས་སྨེར་གཤིས་་། ༣ སྨེར་འདོང་། ཞེས་སོགས་ཡིན།

འདི་རབ་བྱུང་གསུམ་པ་ནང་ལ་ཕེབས་པའི་ཉག་སེའི་མགུར་འབུམ་གྱི་གོང་འོག་ཀུན་ལ་ཞིབ་དཔྱད་བྱས་ནས་བལྟས་དུས།  ཉག་བྲེའི་ཁྱབ་ཁོངས་ལ་ཡོད་པའི་ས་ཆུ་རི་གསུམ་གྱི་མིང་ཚིག་དང་། དགོན་པའི་མིང་ཚིག་དང། བླ་མའི་མཚན་ཐམས་ཅད་གསལ་པོ་བཀོད་ཡོད་ཀྱང་རྗེ་སྨར་པ་ཁོང་གཉིས་ཕ་ཡུལ་ཉག་བྲེ་ཡིན་པ་དང་། གྲོགས་པོ་སྨར་ཤོད་དང་རང་འགྲུབ་ཡིན་རབས་ཟུར་ཙམ་གླེང་མེད་པ་འདི་ཁོ་ནས་གསལ་པོ་ཤེས་ཐུབ་ཅིང་།

གལ་ཏེ། ཁྱེད་ཚོས་བཤད་པ་ལྟར་སྨར་ཤོད་ཟེར་བའི་ས་མིང་དེ། རྗེ་སྨར་པ་ལ་ཐོག་པ་ཡིན་ན།  སྨར་ཤོད་ཟེར་བའི་མིང་ཚིག་འདི་དེ་དུས་ནས་བོད་དབུས་ལ་གྲགས་པའི་མིང་ཚིག་ཁྱབ་ཆེན་པོ་ཞིག་ཏུ་གྱུར་ཡོད་པ་དོན་གྱིས་ཁས་ལེན་འདུག་པས། ཉག་རེ་སེ་བས་སྐབས་དེར་ད་ལྟ་རང་འགྲུབ་ཀྱི་ཉེར་འཁོར་གྱི་རི་ལུང་གི་མིང་ཚིག་ཕལ་ཆེར་གླེང་འདུག་ཀྱང། མཆེད་གྲོགས་སྤུ་གཉེན་ལྟ་བུ་གལ་ཆེན་དེའི་ཕ་ཡུལ། སྨར་ཤོད་ཟེར་བ་བོད་དབུས་ལ་གྲགས་པའི་མིང་ཚིག་ཆེན་པོ་དེ་ཟུར་ཙམ་ཡང་མ་གླེང་པ་གང་ཡིན་ནམ། དེ་དུས་ས་དེར་སྨར་ཤོད་བྱམས་གླིང་དགོན་མི་ཟེར་བ་སྨེར་གཤིས་བྱམས་གླིང་དགོན་ཟེར་བ་ཅི་ཡིན་ནམ། གཟུར་གནས་ཉམས་ཞིབ་པ་གཅིག་ཡིན་ན་སྨར་ཤོད་ཟེར་བའི་མིང་ཚིག་འདི་དེ་དུས་ནས་ཡོངས་གྲགས་ཤིག་ཡིན་པའི་དབང་དུ་བཏང་ཚེ། ཉག་སེའི་གསུང་གླེང་ཁྲོད་མ་མཐའ་ཡང་ཟུར་ཙམ་ཐོན་དགོས་ངེས་ཡིན་པའི་གནས་སྟངས་འདི་ལ་བརྟེན་ནས། ཐེ་ཚོམ་ངང་ཉམས་ཞིབ་ཀྱི་ཁུངས་སུ་འཇོག་པ་ལས་འོལ་ཚོད་བྱས་ནས་ཐག་བཅད་བྱེད་མི་སྲིད་པ་རེད།

སྨར་ཤོད་ཟེར་བའི་མིང་ཚིག་འདི་རབ་བྱུང་གསུམ་པ་ཡན་མན་ལ་མེད་པའི་སྒྲུབ་བྱེད་ཁུངས་བཙན་དུ་སྟངས་ན།  རབ་བྱུང་གསུམ་པ་ཕྱི་ལོ་༡༢༩༥་ལོ་སྐུ་འཁྲུངས་པའི་སྨར་ཚང་བཀའ་བརྒྱུད་ཀྱི་བསྟན་པའི་སྲོག་ཤིང་སྤང་མཁན་ཆེན་དྲི་མེད་འོད་ཟེར་གྱི་རྣམ་ཐར་འགྲོ་བློའི་མུན་སེལ་ལས། སྨར་ཁམས་ཞེས་པའི་མིང་ཚིག་འདི་༢༩་དྲངས་ཡོད་ཀྱང་སྨར་ཤོད་ཟེར་བ་ཞིག་མེད། ཤོ་དགོན་ཞེས་པའི་མིང་ཚིག་འདི་༢༡་དྲངས་ཡོད་ཀྱང་སྨར་ཤོད་ཟེར་བ་ཞིག་མེད།  སྨར་ཚང་ཞེས་པའི་མིང་ཚིག་འདི་༡༠་དྲངས་ཡོད་ཀྱང་སྨར་ཤོད་ཟེར་བ་ཞིག་མེད། རུ་ཤོད་ཅེས་པའི་མིང་ཚིག་འདི་༩་དྲངས་ཡོད་ཀྱང་སྨར་ཤོད་ཟེར་བ་ཞིག་མེད། རི་བོ་ཤོད་ཅེས་པའི་མིང་ཚིག་འདི་༦་དྲངས་ཡོད་ཀྱང་སྨར་ཤོད་ཟེར་བ་ཞིག་མེད། འོར་རྡུལ་བྱམས་མདུན་ཞེས་པའི་མིང་ཚིག་འདི་༢་དྲངས་ཡོད་ཀྱང་སྨར་ཤོད་ཟེར་བ་ཞིག་མེད། ཉག་བྲེ་ཞེས་པའི་མིང་ཚིག་འདི་༢་དྲངས་ཡོད་ཀྱང་སྨར་ཤོད་ཟེར་བ་ཞིག་མེད། སྨར་ཁམས་རུ་ཤོད་ཅེས་པའི་མིང་ཚིག་འདི་༡་དྲངས་ཡོད་ཀྱང་སྨར་ཤོད་ཟེེར་བ་ཞིག་མེད། རི་ཤོད་ཅེས་པའི་མིང་ཚིག་འདི་༡་དྲངས་ཡོད་ཀྱང་སྨར་ཤོད་ཟེར་བ་ཞིག་མེད། མདོར་བསྡུར་ན།སྨར་ཚང་ཡབ་སྲས་ཀྱི་རྣམ་ཐར་དང་ལོ་རྒྱུས་ཁུངས་ཐུབ་རྙིང་མ་རྣམས་ལ་སྨར་ཤོད་ཟེར་བ་ཞིག་གཏན་ནས་མེད།མིང་ཚིག་འགའ་ཞིག་དཔེ་མཚོན་ཙམ་དྲངས་ན།

 དེ་ནས་ཤིང་ཕོ་སྟག་ལོའི་ནང༌ལ་རྗེ་ཀརྨ་པ་རོལ་པའི་རྡོ་རྗེ་རྒྱ་ནག་ལ་མར་བྱོན་པའི་དུས་སུ། རུ་ཤོད་ན་ཀརྨ་པ་ཆེན་པོ་རོལ་པའི་རྡོ་རྗེ་དང་མཇལ་འཕྲད་མཛད་པ་ལ།དངུལ་བྲེ་ལ་སོགས་པའི་བརྒྱ་འབུལ། ཞེས་སོགས་དང་།དེ་ནས་ཆུ་ཕོ་བྱི་བའི་ལོ་ཟླ་བ་བདུན་པའི་ནང་ནས་སྨར་ཁམས་པའི་རི་བོ་ཤོད་དང༌ཉིན་མདོ་(ནི་རི་ཤོད་ཀྱི་ས་མཚམས་རྒྱས་ཚོགས་སྡེ་པའི་ས་ཆའི་མིང་ཡིན)་ལ་སོགས་བྱོན་པའི་དུས་སུ། སྨར་ཁམས་སྒང་གི་བླ་དཔོན་མི་དཔོན་རྣམས་ཀྱིས་དྲངས་པའི་ཁྱུད་སྟོད་(ནི་ཁྱུད་འབུམ་སྡེ་པའི་སའི་མིང་ཡིན)་སྨད་(ནི་སྨད་པ་སྡེ་པའི་ས་མིང་ཡིན)ཀྱིས་མི་སྡེ་ལྷ་འགྲོ་ཉིན་རེ་ཡང་སྟོང་ཕྲག་མང་པོ་འཚོགས་ནས། ཞེས་སོགས་གསུངས་པ་ལྟར། ས་ཆ་དེ་དག་གི་འགྲོས་ལམ་དང་ས་འབབ་ལ་བལྟས་ན་གསལ་པོ་ཤེས་ཐུབ་ཅིང་།

རྣམ་ཐར་དེ་ཉིད་ལས།  དེ་ནས་ཕར་སྨར་ཁམས་རུ་ཤོད་དུ་བྱོན་ནས་འོལ་བ་རི་(ནི་རུ་ཤོད་ལ་ཡོད་)ལ་དགོན་པ་བཏབ། ཅེས་སོགས་གསུངས། རྣམ་ཐར་དེ་ཉིད་ལས། ཁབ་སོ་ན་བཞུགས་པ་ཞིག་མི་འོང༌།ཡང་རུ་ཤོད་པས་ཁ་ལུང་གཅིག་ཏུ་དཔོན་ཆེན་པས་(རུ་ཤོད་དཔོན་ལ)ཞུ་དོན་ཕུལ་མུད་ལ་བཞུགས་པ་འཐད།ཞུ་བས་ཁྱེད་ཀྱིས་ཐུགས་ཁྲལ་མི་དགོས། ང་ལ་རྟེན་འབྲེལ་ཡོད་པ་ཡིན། གླ་རོང་(ནི་རུ་ཤོད་ཀྱི་ནུབ་ཕྱོགས་ཟླ་ཆུའི་རྒྱུན་གླ་རོང་སྡེ་བའི་ས་ཁུལ་ཡིན )མངོན་དགའི་རི་ཁྲོད་པ་ལ་སོགས་པའི་སྒྲུབ་སྡེ་བརྒྱ་རྩ་བརྒྱད་བཙུགས་ཞེས་སོགས་གསུངས།

རྣམ་ཐར་དེ་ཉིད་ལས། ཡང་ཤོ་(དགོན)་ན་བཞུགས་པའི་དུས་སུ་འབོམ་པ་(ནི་མཁན་ཆེན་དྲི་མེད་འོད་ཟེར་གྱི་རྩ་བའི་བླ་མ་འབོམ་པ་དཔོན་གྱི་སྲས། རྗེ་རིན་ཆེན་རྒྱལ་མཚན་དང་གོ་རམས་པ་གཉིས་ཀྱི་ཕ་ཡུལ་ཡིན)་མང་པོ་མཇལ་ཕྱིན་པས།དེ་ཉིན་ནས་མདུན་དུ་མཇལ་ནུབ་མོ་ནམ་ཕྱེད་ཅུང་མ་རེད་པ་ནས། ཡང་གྲག་འགུལ་ནི་མེད་པ་ལ་ཕར་ཞོག་ན་འབོམ་པའི་ས་ན་རྐུན་མ་བྱུང་རྒྱུག་རྒྱུག་གསུངས་པས། རབ་མདའ་མ་ལ་བྱས་ཀྱང་མ་ལོན་ཕྱི་ནང་རི་བོ་ཤོད་པ་ཡིན་ཞེས་དང་། རྣམ་ཐར་དེ་ཉིད་ལས།  དེ་ནས་ཕར་སྨར་ཁམས་རུ་ཤོད་དུ་བྱོན་ནས་འོལ་བ་རི་ལ་དགོན་པ་བཏབ།མ་ཎི་རིལ་ལུ་བུམ་བསྒྲུབ་ཆེན་མོ་བཙུགས། ཞེས་སོགས་གསུངས།

རྣམ་ཐར་དེ་ཉིད་ལས། སྨར་ཁམས་སྟོད་སྨད་ཀྱི་དགེ་འདུན་པ་གང་བྱུང་བ་ཆོས་གནང༌། སྨར་ཁམས་པའི་དགེ་འདུན་པ་རྣམས་ལ་ཁྲིད་སྐྱོང་ཤིང་བཞུགས་པ་ཞེས་སོགས་གསུངས། རྣམ་ཐར་དེ་ཉིད་ལས། སྨར་ཁམས་པའི་བན་སྡེ་ཕྱག་ཕྱི་བ་རྣམས་ལ་ཡང་ཕྱག་ཕྱིས་ལ་ཤོག་གསུངས་པས། བན་སྡེ་ཀུན་གྱི་ཡང་བླ་མ་ཁབ་སོ་བྱོན་པ་ཐག་བཅད་པས། དེ་བོས་ལ་ཡང་རུ་ཤོད་ལ་བྱོན་ནས། དོམ་ནག་ཆུ་ཚུར་ཁ་ནས་ཞག་པར་བཞུགས། ཞེས་སོགས་གསུངས།

རྣམ་ཐར་དེ་ཉིད་ལས། ཡང་བླ་མ་སྟག་ལུང་(ནི་སྒར་ཐོག་པདྨ་རིའི་རྒྱབ་དུ་ཡོད)་ན་བྱོན་པའི་དུས་སུ། རུ་ཤོད་ནས་འོང་བའི་མཁའ་འགྲོ་མ་ཡིན་ཟེར་བའི་རྣལ་འབྱོར་མ་གཅིག་གིས་དང་པོ་མཇལ་ཉིན་མོར་བླ་མའི་སྐུ་དེ་ཐུགས་རྗེ་ཆེན་པོ་བཅུ་གཅིག་ཞལ་དུ་མཐོང་། ཞེས་སོགས་གསུངས།

རྣམ་ཐར་དེ་ཉིས་ལས། སྟག་གི་ལོ་ཟླ་བ་གསུམ་པའི་སྐོར་ལ་རུ་ཤོད་ན་བྱོན་ནས།བར་ཐག་ཡུལ་ནས་ཡར་བྱོན་ནས་ཞག་གཉིས་བཞུགས།དེ་ནས་སྟོང་དཔོན་(དངུལ་ཁར་འགག་སྟོང་དཔོན་ཡིན་མིན་དཔྱད)བསོད་ནམས་འབུམ་གྱིས་གདན་འདྲེན་མཛད་འབོམ་ནས་བྱོན། དེ་ནས་སྟག་ལུང་མདོར་(སྤོང་མཁན་ཆེན་གྱི་མཆོད་རྟེན་ཞིག་རོ་དང་ཕུག་ལ་ཁོང་གི་སྒྲུབ་ཕུག་ཡོད། བེ་སེར་ལས། སྟག་ལུང་བླ་བྲང་ཟེར་བ་དེ་ཡིན)་བྱོན་ནས།ཉག་བྲེ་སྟོད་པ་(ནི་ས་ངན་ཉག་གེ་ལ་སྔ་མོ་ཉག་བྲེ་སྟོད་སྨད་འབོད་པ་དེ་ཡིན་ཚུལ་འོག་ཏུ་བཤད་)ལྷ་སྡེ་མི་སྡེ་ཀུན་ལ་སོ་སོར་གང་འདོད་པ་ཐེགས་པ་ཆེན་པོ་ཆོས་ཀྱི་སྦྱིན་པ་རྒྱ་ཆེན་པོ་མཛད། ཅེས་སོགས་གསུངས། རྣམ་ཐར་དེ་ཉིད་ལས། དེ་ནས་རི་བོ་ཤོད་ནས་བྱོན། སོམ་པ་གྲུ་ཁ་(་ནི་ལ་འོག་མར་ནང་དཔོན་གྱི་ས་ཁུལ་ཟླ་ཆུའི་གྲུ་འགྲམ་གྱི་སྡེ་པ་རྣམས་ཡིན )ནས་ཕར་བྱོན་པའི་རྩི་ཡིན་པས་དབོན་པོ་གཉིས་སྔོན་དུ་ཐལ། ཞེས་སོགས་གསུངས།

རྣམ་ཐར་དེ་ཉིད་ལས།  ཁབ་སོ་ན་བཞུགས་པ་ཅིག་མི་འོང༌།ཡང་རུ་ཤོད་པས་ཁ་ལུང་གཅིག་ཏུ་དཔོན་ཆེན་པས་ཞུ་དོན་ཕུལ་མུད་ལ་བཞུགས་པ་འཐད། ཅེས་སོགས་གསུངས། རྣམ་ཐར་དེ་ཉིད་ལས། གདན་ས་ཆེན་པོ་འོག་མཁར་(ནི་ད་ལྟ་དགེ་ལུགས་འགྱུར་ཡོད)གཙོ་བོ་བཅས་པའི་གཙུག་ལག་ཁང་བརྒྱ་དང་རྩ་བརྒྱད་བཞེངས། རུང་ཤོད་ལྷུན་འགྲུབ་(ནི་སྨར་ཚང་ནས་ས་སྐྱ་ལ་འགྱུར་དེ་ནས་དགེ་ལུགས་ལ་གྱུར་ཡོད) ལ་སོགས་པའི་བཀའ་འགྱུར་བརྒྱ་དང་རྩ་བརྒྱད་བཞེངས། ཞེས་སོགས་གསུངས།

རྣམ་ཐར་དེ་ཉིད་ལས། སྤོ་བོ་ཚུན་ཆད།སྨར་ཁམས་ཚུན་ཆད་ལ་ཞེས་དང་། ཡང་བྱང་བཟང་བས་དཔོན་སློབ་འབོམ་ཕྱོགས་སུ་འཕྲིན་ལས་བཏང་བས་ཞེས་སོགས་གསུངས། རྣམ་ཐར་དེ་ཉིད་ལས། དེ་ནས་རི་བོ་ཤོད་(ནི་རུ་ཤོད)་དུ་ལུང་ལག་གཅིག་ཏུ་བཞུགས་ནས་དཔོན་ཆེན་པོས་སྟོན་མོ་དང་འབུལ་བ་མཛད་ཅེས་སོགས་དང་། འབོམ་ཆེ་ཆུང་། རྣམ་ཐར་དེ་ཉིད་ལས། རི་བོ་ཤོད་ཀྱི་མི་སྡེ་བརྒྱ་སྐོར་དང་བཅས་པས་ཕུལ། ཞེས་སོགས་གསུངས།

རྣམ་ཐར་དེ་ཉིད་ལས། ཡང་ཉག་བྲེ་སྟོད་པའི་གྲྭ་པ་དང༌། ཡོན་བདག་རྣམས་ཀྱིས་ཉིན་གཅིག་གི་འབུལ་བ་ལ། ཞེས་མཁན་ཆེན་དྲི་མེད་འོད་ཟེར་གྱི་རྣམ་ཐར་ལས། དྲངས་པའི་མིང་ཚིག་དེ་དག་གིས་རྗེ་སྨར་པ་རིན་པོ་ཆེ་དང་ཤོ་དགོན་གྱི་གནས་ཤུལ་སྨར་ཁམས་རུ་ཤོད་ཀྱི་ཁྱབ་ཁོངས་ཡིན་པ་གསལ་པོ་བསྟན་ཡོད།  རུ་ཤོད་ཅེས་པའི་གནས་དེ་དངོས་རག་འཕྲོད་ན་རྗེ་སྨར་པ་རིན་པོ་ཆེ་འཁྲུངས་ཡུལ་ས་དེ་ཡིན་པར་དོན་གྱིས་རྟོགས་ཐུབ། འདི་དམིགས་ཀྱིས་བཀར་ནས་མཁྱེན་དགོས་པ་ཞིག་ལ། སྨར་ཁམས་རུ་ཤོད་ཀྱི་མིང་ཚིག་ལ། རུ་ཤོད་དང་། རི་ཤོད། རི་བོ་ཤོད་ཅེས་བྲིས་སྲོལ་གསུམ་ཡོད་ཀྱང་དོན་གཅིག་མིང་གི་རྣམ་གྲངས་ཡིན། དཔེར་ན། གསེར་ལྗོངས་ལ་གསེར་མོ་ལྗོངས་དང་། འབྲས་ལྗོངས་ལ་འབྲས་མོ་ལྗོངས་ཞེས་པ་ལྟ་བུ། འདི་སྤང་མཁན་ཆེན་དྲི་མེད་འོད་ཟེར་གྱི་རྣམ་ཐར་ནི་སློབ་མ་ཞིག་གིས་གཞི་མེད་སྒྲོ་བཏགས་དང་། སྙན་ངག་གི་རབ་རྟོགས་བརྗོད་པ་ལྟ་བུ་མ་ཡིན་པ་ཁུངས་ལྡན་གྱི་ལོ་རྒྱུས་ཞིག་ཡིན་ཏེ།

རྣམ་ཐར་འདི། མཁན་ཆེན་དྲི་མེད་འོད་ཟེར་གྱི་སློབ་མ་བསོད་ནམས་དབང་ཕྱུག་རང་གིས་དངོས་མཐོང་ལག་ཟིན་དང་། རྗེའི་ཞལ་སློབ་འགྲོ་མགོན་དཀོན་མཆོག་རྒྱལ་མཚན་དང་། རྟོགས་ལྡན་ཤིང་འགོ་རིན་པོ་ཆེ། རས་པ་ཡེ་ཤེས་དཔལ།ཉེ་གནས་ཆོས་དབང་སོགས་སྲས་ཀྱི་ཐུ་བོ་རྣམས་ལ་དྲིས་པའི་བརྗོད་བྱ་རྣམས་ཟིན་བྲིས་བྱས་ནས།  མཁན་ཆེན་དྲི་མེད་འོད་ཟེར་ལ་སྤྱན་འབུལ་ཞུས་དུས་བླ་མས་ལེགས་པར་གཟིགས་ནས་ཐུགས་དགྱེས་དགྱེས་མཛད་ཚུལ་རྣམ་ཐར་གྱི་མཇུག་ཏུ་གསལ་པོ་བཀོད་འདུག་པས། རྣམ་ཐར་འདི་སྨར་ཚང་བཀའ་བརྒྱུད་ཀྱི་ལོ་རྒྱུས་ཉམས་ཞིབ་ཁང་གིས་བདེན་དཔང་ཆེན་ཤོས་གྲས་ཤིག་ངོས་འཛིན་བྱེད་ཀྱི་ཡོད།

                   རྗེ་སྨར་པ་དང་ཤོ་དགོན་བྲག་གཡབ་ཡིན་པའི་ལུང་འདྲེན་རྣམས་རེ་རེ་བཞིན་སུན་ཕྱུང་བ།

ཇོ་སྲས་བཀྲ་ཤིས་ཚེ་རིང་ལགས་ཀྱི་མཇུག་བསྡུའི་མཚམས་སྦྱོར་གྱི་གཏམ་གླེང་ལྷག་བསམ་རང་མདངས་དཀར་པོའི་མེ་ཏོག་སིལ་མ་ཞེས་ཤོག་གྲངས་༡༠༢་བྲིས་པ་དེ་ཉིད་ལས། སྨར་པ་རིན་པོ་ཆེའི་འཁྲུངས་ཡུལ་བྲག་གཡབ་རང་འགྲུབ་ཡིན་པ་དང་ཤོ་དགོན་མདོ་ལྷུ་ཡིན་པའི་བདེན་དཔང་བཟུང་ས་ལུང་འདྲེན་གཙོ་བོ་རྣམས་ཕྱོགས་གཅིག་ཏུ་བསྒྲིགས་ནས་སུན་ཕྱུང་ན།

ཕྱི་ལོ་༡༤༡༦་ལོ་འཁྲུངས་པའི་ཀརྨ་པ་དྲུག་པ་མཐོང་བ་དོན་ལྡན་་གྱི་རྣམ་ཐར་ལས།དེའི་དཔྱིད་དང་པོ་ནས་ལམ་སྨར་ཁམས་སུ་མཛད་ནས་འོར་རྔུར་བྱམས་པའི་སྐུ་དང་མཇལ། ཞེས་པའི་ཚིག་དོན་འདིས།སྨར་ཁམས་སུ་ལམ་མཛད་ནས་འོར་རྡུར་བྱམས་མདུན་ལ་མཆོད་མཇལ་ཕེབས་ཚུལ་སྨྲོས་པ་ཙམ་ལས་རྗེ་སྨར་པ་དང་ཤོ་དགོན་བྲག་གཡབ་ཡིན་པའི་སྒྲུབ་བྱེད་ཅི་ཡང་བསྟན་མི་འདུག་ལ། རྟ་ཚག་དཔོན་ཚེ་དབང་རྒྱལ་གྱིས་ཕྱི་ལོ་༡༤༤༦་ལོར་རྩོམ་འགོ་ཚུགས་པའི་ལྷོ་རོང་ཆོས་འབྱུང་ལས། སྨར་པ་ལ་སོགས་ཐུགས་ཀྱི་སྲས་བཞི་ནི། སྨར་པ། ཡེལ་པ། ཞེས་པའི་ཚིག་དོན་འདིས། རྗེ་སྨར་པ་རིན་པོ་ཆེ་ཕག་གྲུའི་ཐུགས་སྲས་ཡིན་པའི་སྒྲུབ་བྱེད་ཙམ་ལས།  རྗེ་སྨར་པ་རང་འགྲུབ་ཚང་ཡིན་པ་དང་ཤོ་དགོན་གྱི་གནས་ཤུལ་མདོ་ལྷུ་རི་ལ་ཡིན་ཚུལ་ཚིག་དོན་གང་གི་ཆ་ནས་བསྟན་མེད་ལ། ཀརྨ་པ་སྐུ་ཕྲེང་དྲུག་པ་དང་རྟ་ཚག་འདི་གཉིས་དུས་རབས་༡༥་པར་ཕེབས་པ་ཞིག་རེད།

འགོས་ལོ་ཙ་བ་གཞོན་ནུ་དཔལ་གྱིས་ཕྱི་ལོ་༡༤༧༦་ལ་འགོ་རྩོམ་པའི་དེབ་ཐེ་སྔོན་པོ་ལས། དཔལ་ཕག་མོ་གྲུབ་པའི་སློབ་མ་དང་བཅས་པའི་སྐབས་ཞེས་པར། ཁམས་སུའང་ཆོས་རྗེ་དམར་བས་(སྨར་པའི་མིང་ཚིག་ནོར་)ཤོ་དགོན་བཏབ་པ་ལས་ཚོགས་པ་ཉིས་སྟོང་ཙམ་འདུས་ཤིང་། ཞེས་པའི་ཚིག་དོན་འདིས། རྗེ་སྨར་པ་རིན་པོ་ཆེ་དང་ཤོ་དགོན་གཉིས་རང་གྲུབ་ཚང་དང་མདོ་ལྷུ་བ་ཡིན་པའི་སྒྲུབ་བྱེད་ཀྱི་མིང་ཚིག་གང་གིས་ཡང་བསྟན་མེད།

ཕྱི་ལོ་༡༨༠༨་ལ་གུ་བཀྲ་ཤིས་ཀྱིས་རྩོམ་འགོ་ཚུགས་པའི་རྙིང་མའི་ཆོས་འབྱུང་ལས། ཆོས་རྗེ་སྨར་པ་ནི་ཁམས་ཀྱི་སྨར་ཤོད་དུ་འཁྲུངས། ཞེས་མིང་ཚིག་འདི། རྗེ་སྨར་པ་རིན་པོ་ཆེས་ཕྱི་ལོ་༡༡༦༧་ལོ་གདན་ས་ཤོ་དགོན་བཏབ་ནས་མི་ལོ་༦༤༢་ཟིན་པའི་རྗེས་ལ་སྨར་ཤོད་ཅེས་པའི་ཚིག་འདི་གུ་བཀྲ་ཤིས་ཀྱི་ཆོས་འབྱུང་ནང་དུ་དང་པོ་ཐོན་པ་ལྟ་བུ་སྣང་ཡང་ད་དུང་དཔྱད་དགོས། ཁོང་གིས་རྗེ་སྨར་པའི་རྣམ་ཐར་ལས། མདོ་ཁམས་ཀྱི་ཤར་ཕྱོགས་འབྲི་ཀླུང་གི་ཆ་ལག་ཏུ་གཏོགས་པ། མ་མཐའ་ཡང་འདུ་སྟོང་རྩ་བརྒྱད་ཚང་བའི་སྨར་ཁམས་རུ་ཤོད་དགེ་རྒྱས་བྱེ་མའི་ཀློང་ཞེས་པ་འདི་ལ། གུ་བཀྲ་ཤིས་ཀྱིས་སྨར་ཁམས་རུ་ཤོད་ཅེས་པའི་ཚིག་འདི་བསྡུས་ནས་སྨར་ཤོད་ལ་འཁྲུངས་ཞེས་བྲིས་པ་གསལ་པོ་བསྟན་པ་ཙམ་ལས། རྗེ་སྨར་པ་རིན་པོ་ཆེ་ཉག་བྲེ་རང་གྲུབ་དཔོན་ཚང་ལ་འཁྲུངས་ཚུལ་དངོས་ཤུགས་གང་དུ་ཡང་བསྟན་མེད་པ་འདི་མཁྱེན་པར་མཛོད།

སྤྱིར་དུས་རབས་༡༨་ནང་དུ་ཕེབས་པའི་སྟག་དགེ་མཁན་ཆེན་གུ་རུ་བཀྲ་ཤིས་དང་། ཀོང་སྤྲུལ་ཡོན་ཏན་རྒྱ་མཚོ། མཁྱེན་བརྩེ་དབང་པོ་སོགས་ས་དགེ་བཀའ་རྙིང་གི་མཁས་བླུན་མང་པོ་ཞིག་ཕེབས་ནས་ཆོས་ལུགས་ཀྱི་ཡིག་ཆ་དང་ལོ་རྒྱུས་ཀྱི་བྱུང་རིམ་ལ་བཟོ་བཅོས་ཀྱི་ལས་འགུལ་མང་དག་ཅིག་སྤེལ་ཞོར་དུ། ཡུལ་དུས་དབང་གིས་དཔྱད་གཞི་མ་རྙེད་པ་དང། ཁ་སྒྲུང་། འཆར་སྣང་། རྨི་ལམ། མངོན་ཤེས་སོགས་ལ་གཞི་འཛིན་ནས་ཚིག་ཐག་བཅད་པ་ཆེས་མང་བ་ཞིག་ཏུ་སྣང་། དུས་རབས་ཉེར་གཅིག་པ་འདིར་བློ་གཟུར་བོ་གནས་པའི་མཁས་དབང་རྣམས་ནི་མི་སྨྲ་བའི་རྟུལ་ཞུགས་བཟུང་ནས་བཞུགས། དེ་ཡང་ས་སྐྱ་པཎྡྲི་ཏས། བླུན་པོའི་ཡོན་ཏན་ཁར་འབྱིན་ཏེ། །མཁས་པའི་ཡོན་ཏན་ཁོང་དུ་སྦེད། །སོག་མ་ཆུ་ཡི་སྟེང་ན་འཕྱོ། །ནོར་བུ་སྟེང་དུ་བཞག་ཀྱང་འབྱིང་། །ཞེས་གསུངས་པ་ལྟར། བླང་དོར་ལེགས་ཉེས་མི་ཤེས་པའི་བླུན་པོ་མང་པོ་ཞིག་འབུར་དུ་ཐོན་ནས་ལོ་རྒྱུས་ཀྱི་གད་སྙིགས་ཇི་མང་བསྐྲུན་བར་ཡིད་རེ་སྐྱོ།

ཕྱི་ལོ་༡༨༤༢་ལ་སྐྱེས་པའི་ཨ་འཛོམ་འབྲུག་པ་དཔའ་བོ་རྡོ་རྗེས་སྒྲུབ་སྡེ་དཀར་ཆག་ལས། ཕྱི་མའི་ནང་ཚན་འབྲི་གླ་སྨར་ཁམས་སྒང་ལས་སྨར་ཚང་བྲག་གཡབ། ཅེས་གསུངས་པའི་ཚིག་འདི། བྲག་གཡབ་དང་སྨར་ཚང་བཀའ་བརྒྱུད་གཉིས་ཀ་སྨར་ཁམས་སྒང་ལ་ཡོད་པ་བསྟན་ཞིང་། སྨར་ཁམས་སྒང་དེ་འབྲི་ཆུ་དང་གླ་ཆུ་གཉིས་ཀྱི་བར་ལ་ཡོད་པ་བསྟན་པ་ལས། མིང་ཚིག་འདིས་སྨར་ཚང་བཀའ་བརྒྱུད་བྲག་གཡབ་རང་འགྲུབ་ལ་ཡོད་པའི་ཁུངས་ཅི་ཡང་བསྟན་མི་འདུག་པས་གོ་དོན་མ་ནོར་བར་མཛོད། ཟླ་ཆུ་འདི་སྨར་ཁམས་གླ་རོང་ལ་སླེབས་དུས་ཡུལ་མིང་དང་སྦྱར་ནས་གླ་ཆུ་ཞེས་འབོད་ཀྱི་ཡོད།

ཕྱི་ལོ་༡༩༢༣་ལོར་སྐྱེས་པའི་ཀཿཐོག་སི་ཏུ་ཆོས་ཀྱི་རྒྱ་མཚོའི་ལམ་ཡིག་ལས། བྲག་གཡབ་བསྡུས་རུ་ཕྱོགས་དེར། སྲས་ནོར་བུ་འཛིན་པའི་གནས་ཀྱང་ཡོད་དོ། །མཚམས་གཞུང་རྒྱ་མཚོ་ལྟེ་བ་ས་དཔྱད་ལེགས། །སྨར་ཁམས་ས་ཡི་ལྟེ་བ། ཀླུ་མི་མགོན་དཀར་པོ་དང་། ཞེས་པའི་ལུང་ཚིག་འདིའི་གོ་དོན་ནི། བྲག་གཡབ་ལ་སྲས་ནོར་བུ་འཛིན་པའི་གནས་ཡོད་པ་དང་། སྨར་ཁམས་ལ་ཀླུ་མི་མགོན་དཀར་པོའི་གནས་ཡོད་ཚུལ་བཤད་པ་ཙམ་ལས། རྗེ་སྨར་པ་རིན་པོ་ཆེ་རང་འགྲུབ་དཔོན་ཚང་ཡིན་པ་དང་ཤོ་དགོན་བྲག་གཡབ་མདོ་ལྷུ་ལ་ཡོད་པའི་སྒྲུབ་བྱེད་གང་ཡང་བསྟན་མི་འདུག་པས། བོད་ཡིག་གི་གོ་བ་ལེན་སྟངས་ལ་སྦྱོང་བར་མང་ཙམ་མཛོད།

ཕྱི་ལོ་༡༨༧༩་ལོར་སྐྱེས་པའི་རག་མགོ་སྤྲུལ་སྐུའི་སྨར་ཚང་གདན་རབས་ལས། མདོ་ཁམས་ཤར་ཕྱོགས་འབྲི་ཀློང་གི་ཆ་གཏོགས་པ། སྨར་ཤོད་དགེ་རྒྱས་བྱེ་མའི་ཀློང་། ཞེས་སོགས་སྨར་ཤོད་ཅེས་པའི་ཚིག་འདི་ཐེངས་བཞི་དྲངས་པ་ལ་བལྟས་དུས། སྨར་ཞེས་པ་སྨར་ཁམས་དང་ཤོད་ཅེས་པ་རུ་ཤོད་ཡིན་པའི་མིང་ཚིག་བསྡུས་ནས་སྨར་ཤོད་ཅེས་བྲིས་པ་ཙམ་ལས་བྲག་གཡབ་ལ་སྨར་ཤོད་ཟེར་བ་ཞིག་ཡོད་པའི་སྒྲུབ་བྱེད་ཟུར་ཙམ་ཡང་བསྟན་མེད་པར་གསལ་པོ་རེད། སྐུ་ཞབས་ཇོ་སྲས་ལགས་ཀྱིས། ཡང་ཉག་རེ་ཞེས་འབྲི་ཀློག་བྱེད་དུས་ཤུགས་མ་ཐུབ་ཀྱིས་སྨར་ཁམས་སྒང་གི་ཆར་གཏོགས་ཉག་བྲེ་བྲག་གཡབ་ཅེས་པ་དང་། ད་དུང་འོར་རྡུའི་བྱམས་པ། ར་ལ་རྣམ་སྣང་གནས་ཁྲོ་མ། མཚམས་ཀྱི་མ་ཎི་འབྲུ་དྲུག་བཅས་ཀྱང་ལྷང་ངེར་སེམས་ལ་འགོག་མེད་དུ་འཆར། ཞེས་གསུངས་པ་འདི། སྐུ་ཉིད་ས་ཆ་དེ་དག་ལ་གཏན་ནས་ཕེབས་མྱོང་མེད་པར་ཡིག་འབྲུ་ཀློག་ཙམ་གྱིས་སའི་བཀོད་པ་དང་མ་ཎི་འབྲུ་དྲུག་རྣམས་ཡིད་ལ་འགོག་མེད་དུ་ལྷང་ངེ་འཆར་ཞེས་གསུངས་པ་འདི། འཇིག་རྟེན་ཚུལ་མཐོང་གི་ལོ་རྒྱུས་ཉམས་ཞིབ་པའི་ཀླད་ཚད་ལས་བརྒལ་ནས་རྟོགས་ལྡན་དང་གཏེར་སྟོན་རྣམས་ཀྱིས་གསུངས་སྟངས་འདྲ་བ་ལ་སྙམ་ནས་གད་མོ་དབང་མེད་དུ་ཤོར་སོང། སྐུ་ཉིད་ཀྱིས་ཁམས་ཕྱོགས་ལ་ཉག་བྲེའི་ཐ་སྙད་ཡོད་མཁན་ནི་ལི་ཐང་དང་། རྒྱ་རོང་། ཚ་བ་རོང་སོགས་ལ་ཡིག་ཐོག་ཏུ་མ་འཁོད་པ་ལུང་མིང་མང་པོ་ཡོད་པ་དེ་དག་ཀྱང་མཁྱེན་པར་མཛོད།

                  IMG_1237.JPGIMG_1236.JPG

      སྔར་སྨར་ཚང་བཀའ་བརྒྱུད་པའི་སྡེ་འབངས་ཀྱི་ཁུངས་སུ་གཏོགས་པ་འོར་རྡུལ་བྱམས་མདུན་དང་ལྷ་ཁང་གི་པར་ཡིན།

སྨར་ཁམས་པའི་ཡུལ་གྱི་བཀོད་པ་མིག་གིས་གཏན་ནས་མཐོང་མེད་པའི་ཇོ་སྲས་ལགས་ཀྱིས་དེབ་ཀྱི་བརྗོད་ཚིག་དང་།  ཡུལ་མིའི་ངག་སྒྲུང་། རང་གི་འཆར་སྣང་གསུམ་གཅིག་ཏུ་སྦྲན་ནས་ཉག་བྲེ་སྟོད་སྨད་དང་གླང་རོང་ཞེས་མིང་ཐོག་ཚད་བྲག་གཡབ་ཕྱོགས་སུ་ངོས་འཛིན་པ་ནི་ནོར་བ་ཡིན་ཏེ། དཔེར་ན། སྨར་ཚང་སྤང་མཁན་ཆེན་གྱི་རྣམ་ཐར་ལས། འབོམ་ནས་ཚུལ་བྱོན་དུས་སྟག་ལུང་མདོར་བཞུགས་ཟེར་བ་དེ་ནི་སྨར་ཁམས་སྒར་ཐོག་གི་ཉེ་འགྲམ་ལ་ཡོད། འབོམ་ནས་ཡར་ཡོང་དུས་སྟག་ལུང་མདོ་ལ་ས་ཚུགས་རང་ཁེལ་བ་ཞིག་ཡིན།  སྨར་ཚང་གི་བླ་ཆེན་དྲི་མེད་འོད་ཟེར་སྟག་ལུང་མདོ་ལ་བཞུགས་དུས་ཉག་བྲེ་སྟོད་པ་ལྷ་སྡེ་མི་སྡེ་ཀུན་ལ་སོ་སོར་གང་འདོད་པ་ཐེག་པ་ཆེན་པོའི་ཆོས་ཀྱི་སྦྱིན་པ་རྒྱ་ཆེན་པོ་མཛད་དོ། ཞེས་གསུངས་པ་ལྟར།

སྐབས་འདི་མཇལ་བཅར་ཞུས་མཁན་ནི་ས་ངན་ཉག་བྲེ་བ་ཡིན་པར་མངོན་གསལ་དོན་པོ་ཡིན་ཏེ། སྨར་ཁམས་སྒར་ཐོག་ནི་ས་ངན་ཉག་གེའམ་ཉག་བྲེ་བ་སོགས་རྒྱུན་ཆད་མེད་པ་འགྲོ་འོང་བྱེད་ས་གྲོང་ཁྱེར་ཞིག་ཡིན། སྔ་མོ་ཉག་བྲེ་སྟོད་སྨད་འབོད་པའི་ཡུལ་དེར་སྐད་ཟུར་ཆགས་ནས་ཉག་གེ་དང་ཉག་འགན་ཞེས་ཟེར་སྲོལ་དར། གལ་ཏེ། བྲག་གཡབ་ཉག་བྲེ་སྟོད་སྨད་ལྷ་སྡེ་མི་སྡེ་ཐམས་ཅད་སྒར་ཐོག་སྟག་ལུང་མདོ་ལ་ཡོང་དགོས་ན། རྟ་འགྲོས་ཉིན་ལམ་གསུམ་བཞིའི་ས་ཡིན་པས་ཡུལ་དུས་གང་ལ་བལྟས་ན་མཐུན་ཐབས་མེད།

                  མདོ་ལྷུའི་རི་ལ་ཤོ་དགོན་གྱི་གནས་ངོས་བཟུང་བར་ལུང་རིག་གཉིས་ཀྱིས་སུན་ཕྱུང་བ།

   IMG_1228.JPG19.JPG14.JPG

         གྱང་རོ་འདི་འཇམ་སྤྲུལ་གྱིས་བཞེངས་པའི་ལྷ་ཁང་ཐག་ཉེ་དང་ཐག་རིང་གི་པར་དང་མདུན་གྱི་པར་ཡིན།

འཇམ་དབྱངས་སྤྲུ་སྐུ་དང་། ཚེ་བརྟན་རྡོ་རྗེ། རག་མགོ་རིན་པོ་ཆེ། པདྨ་། བློ་བཟང་། ཇོ་སྲས་སོགས་ཀྱིས་སྨར་ཚང་བཀའ་བརྒྱུད་ཀྱི་གདན་ས་ཤོ་དགོན་གྱི་གནས་ཤུལ་བྲག་གཡབ་རང་འགྲུབ་ཀྱི་མདོ་ལྷུའི་རི་ལ་ངོས་བཟུང་བ་འདི་ནོར་འཚབ་ཤིན་ཏུ་ཆེ་བ་ཞིག་ཡིན་ཏེ། རག་མགོ་རིན་པོ་ཆེས། རྗེ་སྨར་པའི་རྣམ་ཐར་དང་། སྤང་མཁན་ཆེན་དྲི་མེད་འོད་ཟེར་གྱི་རྣམ་ཐར། ཙོམ་མདོའི་གདན་རབས། འགྲོ་མགོན་རིན་ཆེན་གྱི་རྣམ་ཐར་སོགས་སྨར་ཚང་གི་ཡིག་རྙིང་འགའ་ཞིག་མཐོང་བ་གསལ་པོ་མངོན་འདུག་ཀྱང་། ཁོང་གིས་བྲིས་པའི་གདན་རབས་ཀྱི་འགོ་མཇུག་བར་གསུམ་ལ་ཞིབ་འཇུག་བྱས་དུས། སྨར་པ་རིན་པོ་ཆེ་དང་ཤོ་དགོན་བྲག་གཡབ་ཕྱོགས་སུ་དམིགས་ཀྱིས་བཀར་ནས་དྲུད་ཐབས་བྱས་པར་གསལ་པོ་མངོན་ཞིང་། ད་དུང་ཁོང་གིས་ལོ་རྒྱུས་བྲིས་པ་རྣམས་ལ་ནོར་འཛོལ་མང་བ་སྣང་སྟེ། དཔེར་ན། ས་སྐྱ་པཎ་ཆེན་གྱིས་འགྲོ་མགོན་རིན་ཆེན་ལ་ཕུལ་བའི་སྤྲིངས་ཡིག་དེ། རྗེ་རིན་ཆེན་རྒྱལ་མཚན་ལ་བསྐུར་རབས་བཤད་པ་སོགས་མང་བས་ཡིད་གཏད་རུང་བར་ཤིན་ཏུ་དཀའ།

འདི་སྐབས་སུ་འབབ་པའི་གླེང་གཞི་ནི། རག་མགོ་རིན་པོ་ཆེའི་སྨར་ཚང་གདན་རབས་ལས། གོང་ས་ལྔ་པ་ངག་དབང་བློ་བཟང་རྒྱ་མཚོས་གངས་ཅན་གྱི་མངའ་བདག་མཛད་སྐབས་བྲག་གཡབ་བླ་མ་གྲགས་པ་རྒྱལ་མཚན་གྱི་ཡང་སྲིད་ངག་དབང་བསོད་ནམས་ལྷུན་འགྲུབ་ལ་སྨར་ཚང་གི་ཉག་རེའི་སྡེ་འབངས་ཐམས་ཅད་ཆོས་ཞིང་དུ་རྩལ། ཞེས་གསུངས་པ་འདི། སྔར་ཉག་རེ་བ་སྨར་ཚང་བཀའ་བརྒྱུད་ཀྱི་འབངས་སྡེ་ཡིན་པས་དེ་ལྟར་བརྗོད་འོས་པ་ལས། འདི་ཚིག་གི་ངོ་གདོང་ལ་ལྟོས་དང་རྗེ་སྨར་པ་རིན་པོ་ཆེ་དང་ཤོ་དགོན་གཉིས་བྲག་གཡང་རང་འགྲུབ་ཀྱི་ཁོངས་སུ་ཡོད་པའི་སྒྲུབ་བྱེད་གཅིག་ཀྱང་བསྟན་མེད།

རག་མགོའི་སྨར་ཚང་གདན་རབས་ལས།འདམ་སྟེང་གི་རྟེན་གསུང་ཆོས་རྗེ་ཕག་གྲུའི་སྐུ་དང་ཚོགས་ཟངས་རིལ་བུམ་སོགས་སྐུ་གསུང་ཐུགས་རྟེན་རྣམས་མ་བུ་དགོན་གཉིས་སུ་གདན་དྲངས་ནས་དགོན་ཤུལ་མིང་མེད་གྱུར་ནས་རིང་དུ་སོང་བས། ཞེས་དང་། གདན་རབས་དེ་ཉིད་ལས།དེ་ནས་འོ་ཆུ་བྱམས་མདུན་ནས་ཉིན་ལམ་ཙམ་ཡོད་པའི་འདམ་སྟེང་དུ་བྱོན་ནས་དགོན་པ་མཛད་ནས་བཞུགས། ཞེས་གསུངས་པ་འདི་ལོ་རྒྱུས་ཀྱི་རྒྱུན་རིམ་ལ་ལྟོས་ནས་བརྗོད་ན། སྨར་ཚང་གི་བླ་མ་སྤང་མཁན་ཆེན་ནི་སྟོད་མངའ་རིས་བསྐོར་གསུམ་དང་། བར་དབུས་གཙང་རུ་བཞི། སྨད་མདོ་ཁམས་སྒང་དྲུག་དང་།  སོག་པོ། རྒྱ་ནག་རི་བོ་རྩེ་ལྔ། ལྷག་པར་སྨར་ཚང་བཀའ་བརྒྱུད་པའི་གདན་ས་ཤོ་ཙོམ་གཉིས་ཀྱི་དགོན་ལག་གཉིས་བརྒྱ་ལྷག་ལ་ཕེབས་ཏེ། རྩམ་པ་དོ་པོ་གསུམ་བཞི་བཤོང་བའི་ཁྲོ་ཟངས་ཀྱི་ནང་དུ་མ་ཎི་རིལ་བུ་བླུགས་ནས་སྒྲུབ་བཞག་མཛད་ཅིང་། རིལ་སྒྲུབ་ཟིན་པ་དང་ཡོ་བྱད་ཁྲོ་ཟངས་རྣམས་ས་གནས་སོ་སོའི་དགོན་པ་ལ་ཕུལ་བ་ལས་འཁུར་ནས་འགྲོ་སྲོལ་མེད་པའི་ལོ་རྒྱུས་ལ་རྒྱུས་མངའ་ཅུང་ཟད་ཡོད་ན། སྨར་ཚང་གི་སྨེར་གཤིས་དགོན་ལག་རྣམས་དང་འོར་རྡུལ་བྱམས་མདུན་ལ་སྤང་མཁན་ཆེན་གྱིས་མ་ཎི་རིལ་བསྒྲུབས་བྱས་པའི་ཁྲོ་ཟངས་དང་། ཕག་གྲུའི་སྐུ་འདྲ་སོགས་མ་བུ་དགོན་གྱིས་འཁུར་འགྲོ་བ་དེར་ཤོ་དགོན་གྱི་ཁྲོ་ཟངས་རིལ་བུམ་འཁུར་སོང་ཞེས་འུར་ཆེན་པོ་དེ་ཙམ་རྒྱག་རྒྱུ་མ་རེད་སྙམ།རག་མགོ་རིན་པོ་ཆེས། འདམ་སྟེང་ཞེས་ལན་གཉིས་བྲིས་པ་འདི་བྲག་གཡབ་མདོ་ལྷུའི་རི་ལ་འཇམ་སྤྲུལ་གྱིས་ལྷ་ཁང་ཆུང་ངུ་ཞིག་བཞེངས་པའི་ས་ཆ་དེ་ཉིད་ཡིན་པར་ངོས་འཛིན་པ་གསལ་པོ་ཡིན།

IMG_7740.JPGIMG_7738.JPG29.JPG

གྲོག་མས་གསེར་ཁྲལ་ཕུལ་ས་དང་ཤོ་དགོན་ལ་བསྐྱོད་ཟེར་བའི་རྡོ་རྐོས་དང་ལོ་༨༠༠་ཟིན་པའི་ཙོམ་མདོ་ལ་རྡོ་རྐོས་ཀྱི་པར་ཡིན།

ཨ་མདོ་བཀའ་འབུམ་རྒྱལ་གྱིས་མདོ་ལྷུའི་ས་དེ་ཤོ་དགོན་གྱི་གནས་ཤུལ་ཡིན་མིན་ཞིབ་འཇུག་བྱས་པའི་རྒྱུན་རིམ་རྣམས་འགྲེལ་བཤད་བྱེད་དུས།  ཁོང་གིས་རྡོ་ཀོང་དོང་གཅིག་དང་ཤོ་དགོན་ལ་བསྐྱོད་ཟེར་བའི་རྡོ་རྐོས་ཀྱི་རི་མོ་གཉིས་ཀྱི་པར་ཞིག་བསྟན་ནས། ས་དེར་ཤོ་དགོན་ཡིན་པའི་སྒྲུབ་བྱེད་དྲངས་དུས། རྡོ་ཀོང་དོང་དེ་ནི་འབུ་གྲོག་མས་ཤོ་དགོན་ལ་གསེར་གྱི་ཁྲལ་འུལ་ཕུལ་ས་ཡིན་རབས་འགྲེལ་བཤད་རྒྱག་དུས་རང་དབང་མེད་པར་གད་མོ་ཤོར་སོང་། དེ་ནི་འཇིག་རྟེན་ཚུལ་མཐོང་བའི་མིག་ཡུལ་ལས་འདས་པའི་ལྷ་སྒྲུང་ཞིག་དཔང་དུ་བཙུགས་ཏེ། ཚུལ་མཐོང་མིག་གི་སྤྱོད་ཡུལ་དགེ་འདུན་ཁྲི་གཅིག་བཤོངས་པའི་གནས་ཤུལ་ངོས་བཟུང་བ་འདི་དགོད་བྲོ་བ་ལ་བསམ་ནས་གད་མོ་ཤོར་སོང། འོན་ཏེ། བཀའ་འབུམ་ལགས་ཀྱིས་དུས་རབས་ཉེར་གཅིག་པའི་དཔྱད་གཞི་དང་མཐུན་པ་ཞིབ་འཇུག་གནང་ཐུབ་པའི་རེ་བསྐུལ་དང་འབྲེལ།  ཉམས་ཞིབ་བྱེད་ལུགས་ལམ་སྟོན་དང་རྒྱབ་སྐྱོར་གང་ཚང་བྱས་ཀྱང་། ཁོང་གི་དམིག་ཡུལ་མཐར་ཐུག་ཤོ་དགོན་མདོ་ལྷུ་རི་ལ་ཡིན་དགོས་པ་དང་། ཙོམ་མདོ་དགོན་པ་དཔལ་ཡོན་ལ་ཡོད་དགོས་པ། སྨར་ཚང་གི་བརྒྱུད་པ་དཔལ་ཡོན་ལ་འདྲེས་དགོས་པ། ཀཿ་ཐོག་ལ་ཆད་དགོས་པ། སྨར་ཚང་གཏོར་བཤིག་བྱས་མཁན་བེ་རི་རྒྱལ་པོ་ཡིན་པ། ཉག་རེ་སེ་བ་སྨར་ཚང་གི་བླ་མ་ཡིན་དགོས་པ་སོགས་ལུང་རིག་དང་ཡོངས་སུ་འགལ་བའི་འདོད་ཚུལ་ཡ་མཚན་ཅན་དག་ལ། ལུང་དང་གཏན་ཚིགས་རིག་པས་འཐེར་འདོན་བྱས་དུས་དོན་དངོས་དང་མཐུན་པའི་ལན་འདེབས་མེད་ཀྱང་ཨུ་ཚུགས་རྒྱག་པའི་རྐྱེན་གྱིས་མཉམ་ལས་ལམ་ལྷོངས་མ་བྱུང་བ་ལ་བརྟེན་ནས།

སྨར་ཚང་ལོ་རྒྱུས་ཉམས་ཞིབ་ཁང་གིས་ཕྱི་ལོ་༢༠༡༥་ཟླ་བ་བཞི་པ་ལ་བྲག་གཡབ་རྫོང་དང། བྱམས་མདུན། རང་གྲུབ། མདོ་ལྷུ། དགོན་སྟེང། མ་མགོན་སོགས་བྲག་གཡབ་ཀྱི་ས་ཁུལ་མང་པོ་ཞིག་ལ་ཉམས་ཞིབ་ཐེངས་གཉིས་བྱས་དུས། ས་གནས་སོ་སོར་ལོ་ལྔ་བཅུ་སོན་པ་ཡན་ཆད་ཀྱི་བགྲེས་སོང་མང་པོ་ཞིག་ལ། འདམ་སྟེང་། དགེ་རྒྱས། དགེ་ཚང་། བྱེ་མའི་ཀློང། ཤོ་དགོན་ཞེས་ཐ་སྙད་འབོད་སྲོལ་ཡོད་མེད་བཅར་འདྲི་ཞུས་པའི་རྒྱུན་རིང་ལ། མིང་ཚིག་དངོས་དང་དེ་དག་གི་ཕྱོགས་འདྲ་ཙམ་ཡོད་མེད་ལའང་ཞིབ་འཇུག་བྱས་ཀྱང་རྙེད་མེད། དཔེར་ན། འཇམ་སྤྲུལ་གྱིས་བཞེངས་པའི་ལྷ་ཁང་གི་གཡས་གཡོན་ཞིང་ཁ་ལའང་འདམ་སྟེང་ཟེར་སྲོལ་ཡོད་མེད་བསྐོར། འབུར་དཀར་དགོན་པའི་དགེ་གྲགས་པ་ལགས་དང་ངག་དབང་ཆོས་ལྡན་གཉིས་ཀྱིས་བཅར་འདྲི་ནན་པོ་བྱས་ཀྱང་རྙེད་མེད།

IMG_1205.JPGIMG_1213.JPGIMG_7753.JPG     

ས་འདི་ཁྱིམ་ཚང་སྟོང་ནས་འགྲོ་མཁན་དུད་ཚང་གི་གྲོ་ཆན་དང་སུར་པན་རྡུང་ས་ཤུལ་དུ་ལུས་པའི་པར་ཡིན།

ས་ཆ་དེའི་མིང་ལ་སྔ་མོ་ནས་ཤོ་དགོན་ཟེར་སྲོལ་མེད་པ་དང་། བཀའ་འབུམ་རྒྱལ་གྱིས་བསྟན་པའི་པར་འདི་རྣམས་ཁྱིམ་ཚང་སྟོང་ནས་འགྲོ་མཁན་ཚོས་གྲོ་ཆན་རྡུང་ས་དང་སུར་པན་རྡུང་སའི་རྡོ་ཀོང་དོང་རྣམས་ཤུལ་དུ་ལྷག་པ་ཞིག་ཡིན་པ་ལས། འབུ་གྲོག་མས་ཤོ་དགོན་ལ་གསེར་གྱི་ཁྲལ་འུལ་ཕུལ་ས་ཞིག་གཏན་ནས་རེད་མི་འདུག་ལ།  ཤོ་དགོན་ལ་བསྐྱོད་ཟེར་བའི་རྡོ་རྐོས་དེ་པར་བླངས་ནས་རྡོ་ཆས་དཔྱད་ཞིབ་པ་ལ་བསྟན་དུས། བལྟས་ཙམ་ནས་རྡོ་རྐོས་འདི་གསར་པ་རེད་འདུག་ཅེས་ཚིག་ཐག་བཅད་སོང་། ཙོམ་མདོ་དགོན་ལ་ལོ་བརྒྱད་བརྒྱ་ཟིན་པའི་རྡོ་ལ་རྐོས་པའི་ཡིག་འབྲུ་དེ་དང་བསྡུར་དུས་ཁྱད་པ་ཆེན་པོ་ཡོད་པར་ཤེས་ཐུབ་བོ། །

འཇམ་དབྱངས་སྤྲུལ་སྐུས་ཤོ་དགོན་གྱི་གནས་ཤུལ་ངོས་བཟུང་ནས་ལྷ་ཁང་བཞེངས་པའི་ལོ་རྒྱུས་ཅུང་ཟད་གླེང་ན། མདོ་ལྷུའི་ས་དེར་འཇམ་སྤྲུལ་གྱིས་ཤོ་དགོན་གྱི་གནས་ཤུལ་ངོས་འཛིན་ནས་དགོན་པ་བཏབ་གྲབས་བྱས་ཀྱང་འབུར་དཀར་དགོན་གྱི་མངའ་ཁུངས་ཡིན་པའི་རྐྱེན་གྱིས་དགོན་པ་བཏབ་རྒྱུའི་ལམ་ལྷོངས་བྱུང་མི་འདུག་ལ། ཁོང་གིས་ཇོ་མོ་དགོན་པ་ཞིག་བཏབ་ཆོག་པའི་རེ་བསྐུལ་ཞུས་འདུག་ཀྱང་དེ་ཡང་ལམ་ལྷོངས་བྱུང་མི་འདུག་པས། མཐར་ལྷ་ཁང་གཅིག་བཞེངས་ཆོག་པའི་རེ་བསྐུལ་ཞུས་པ་ལྟར་འབུར་དགོན་གྱིས་ལྷ་ཁང་བཞེངས་རྒྱུ་ཁས་ལེན་ཀྱང་། མ་འོང་པ་སྐྱེས་སྤྲུལ་ངོས་འཛིན་ནས་ས་བཟུང་མི་ཆོག་ཚུལ་གླེང་བའི་བསྐོར། འཇམ་སྤྲུལ་གྱི་སྤུན་གཉེན་ཡིན་པ་འབུར་དཀར་དགོན་གྱི་དགེ་གྲགས་པས་ལོ་རྒྱུས་དེ་འགྲེལ་བཤད་གསལ་པོ་གནང་སོང་། གནས་དོན་ཇི་ལྟར་ཡིན་མིན་ལ་མ་ལྟོས་པ་ས་འདིར་ཤོ་དགོན་གྱི་ཁྱད་ཆོས་གཏན་ནས་ཚང་མེད་ཚུལ་འོག་ཏུ་གཟིགས་པར་མཛོད།

       15.JPGIMG_1220.JPGIMG_1229.JPG

   མཐོང་བཞིན་པའི་རི་བོ་དམར་པོ་དེ་རང་འགྲུབ་མདོ་ལྷུའི་རི་ལ་ཤོ་དགོན་གྱི་གནས་ཡིན་ཟེར་བ་དེ་དང་ཆུ་མིག་གི་པར་ཡིན།

རྗེ་སྨར་པ་རིན་པོ་ཆེ་རང་གིས་བཏབ་པའི་དགོན་སའི་མཚན་ཉིད་འགྲེལ་བཤད་ལས། འདམ་སྟེང་བཀྲ་ཤིས་ཡིད་འོང་དགོན། །ལྷུན་ནི་བྱ་རྒོད་ཕུང་རི་འདྲ། །དབྱིབས་ནི་སྒྲོལ་མ་བཞུགས་ཚུལ་འདྲ། །བདེ་ཆེན་རིའི་རྩེ་མོ་ནི། །རིགས་ཀྱི་བདག་པོའི་དབུ་རྒྱན་འདྲ། །སྤང་ལྗོངས་ནག་མཐོང་རྩེགས་པ་ནི། །རྩི་ཤིང་མང་པོས་རབ་བརྒྱན་པ། །བྱང་སེམས་ཀླུ་ཆེན་རྒྱབ་རི་ཡིས། །ཉམས་དགའ་བཞིའི་འཐུང་ཆུ་སྟེར། །ཞེས་དང་། དལ་གྱི་ཆུ་བོས་མདུན་ནས་བསུ། །རྡོ་རྗེ་བྲག་གིས་རྒྱབ་ནས་བསྐོར། །ཆུ་བོ་གསུམ་འདུས་ཆབ་ཀྱིས་བསྐོར། །ཕྱོགས་བཞི་ནམ་མཁའི་མཐའ་དང་བྲལ། །རང་བཞིན་དབེན་ཞིང་ཉམས་དགའ་བ། །ཕག་གྲུ་མཐར་རྩ་དགོན་པ་འདྲ། ཞེས་གསུངས་པ་ལྟར།

མདོ་ལྷུའི་ས་འདིར་༡་བྱ་རྒོད་ཕུང་པོ་རི་འདྲ་པོ་ཞིག་མེད། དབྱིབས་སྒྲོན་མ་བཞུགས་པ་འདྲ་པོ་ཡང་མེད། ༢ རྒྱབ་རིའི་རྩེ་མོ་རྒྱལ་བ་རིགས་ལྔ་འདྲ་པོ་མེད། ༣ སྤང་ལྗོངས་མཛེས་མོའི་ཚབ་ལ་ས་དམར་པོ་དང་ནགས་ཚལ་ཀྱི་ཚབ་ལ་བྲག་རྡོ་མང་པོ་ཡོད། ༤ རྒྱབ་རི་ལས་འཐུང་ཆུ་འབབས་པ་ཞིག་རྙེད་མེད། འཇམ་སྤྲུལ་གྱིས་བཞེངས་པའི་ལྷ་ཁང་གི་གཡས་ཕྱོགས་ཀྱི་འོག་ཙམ་ལ་མཛོ་མོ་དཀར་ལུའི་ཆུ་མགོ་ཟེར་བ་ཞིག་ཡོད་ཀྱང། དགེ་འདུན་སྟོང་ཕྲག་བརྒྱད་ཀྱི་འཐུང་ཆུ་འདང་པ་ཞིག་མེད། ༥ རི་བོ་དེའི་མདུན་ལ་ཆུ་བོ་བཞུད་པ་ཡོད།༦ ས་དེར་བྲག་རི་ཡོད་ཀྱང་བྲག་གིས་བསྐོར་མེད། ༧ རྒྱབ་ཏུ་ཆུ་བོ་གསུམ་འདུས་ཀྱིས་བསྐོར་མེད། རི་དེའི་རྒྱབ་ཀྱི་རི་བོ་མཐོན་པོ་ཞིག་གི་རྒྱབ་ནས་ཟླ་ཆུ་ནི་བྲག་གཡབ་མ་དགོན་ཕྱོགས་སུ་ཤར་རྒྱུག་བྱས་པ་ལས་བསྐོར་མེད། ༨ ཕྱོགས་བཞི་ལ་གོ་ཡངས་པོ་ནམ་མཁའི་མཐའ་འདྲ་བ་ཞིག་མེད། ༩ དབེན་ས་ཉམས་དགའ་བ་ཕག་གྲུའི་དགོན་པ་དང་འདྲ་བ་ཞིག་མེད། རྗེ་སྨར་པ་རིན་པོ་ཆེ་ཉིད་ཀྱིས་དགོན་པའི་མཚན་ཉིད་དྲངས་པའི་ཁྱད་ཆོས་རྣམས་གཏན་ནས་ཚང་མེད་ལ། གྲུབ་ཆེན་གཤའ་པས། ཟོང་འདོད་དགུ་འབྱུང་བའི་ཚོང་དུས་ཡོད།།དཔལ་ཡོན་ཏན་འཛོམས་པའི་གྲོང་ཁྱེར་དེ།ཞེས་གསུངས་པ་ལྟར།

 རང་འགྲུབ་ཡུལ་དུ་གྲོང་ཁྱེར་དར་བའི་ས་ཁྱོན་ཡོད་མེད་ཕྱོགས་ཡོངས་ལ་ཞིབ་དཔྱད་བྱས་པས། རི་བོ་གཉིས་ཀྱི་བར་དུ་ཆགས་པའི་ལུང་གཞུང་དེར་ཞིང་ལས་ཀྱི་གྲོང་ཁྱེར་དང་ཚོང་ལས་ཀྱི་ཁྲོམ་ར་ཆགས་ཐབས་གཏན་ནས་མེད་པར་གསལ་པོ་རེད།  རྗེ་སྨར་པའི་རྣམ་ཐར་ལས། མ་མཐའ་ཡང་འདུན་སྟོང་རྩ་བརྒྱད་ཚང་བས་སྨར་ཁམས་རུ་ཤོད་དགེ་རྒྱས་བྱེ་མའི་ཀློུང་། ཞེས་གསུངས་པ་ལྟར། ཤོ་དགོན་བཏབ་པའི་ས་ཆ་དེ་མ་མཐའ་ཡང་དགེ་འདུན་སྟོང་ཕྲག་བརྒྱད་ཀྱི་གྲྭ་ཤག་བཤངས་ཐུབ་པའི་ས་ཁྱོན་ཞིག་ཡོད་དགོས་པ་ལས། མདོ་ལྷུའི་ས་ཆ་དེར་མདུན་དུ་གཡང་རོང་དང་། གྱེན་དུ་བྲག་རི། འཕྲེད་དུ་གད་གཟར་ཡིན་ཞིང། བྱེ་མའི་ཀློང་མེད་པ་དང་། དགེ་འདུན་སྟོང་ཕྲག་བརྒྱད་བཞུགས་གནས་ཀྱི་གྲྭ་ཤག་བཤོང་ཐབས་གཏན་ནས་མི་འདུག་ལ།  དཔེར་ན། གསེར་རྟ་བླ་རོང་སྒར་གྲྭ་བཙུན་ཁྲི་གཅིག་བཤོངས་པའི་ས་ཁྱོན་ལ་དཔག་ནས་དཔྱད་དུས། མདོ་ལྷུ་དང་དགོན་སྟེང་གཉིས་ཀ་ལ་ས་ཁྱོན་དེ་འདྲ་ཞིག་སྤྲོས་བྲལ་རེད་འདུག་པས། ས་གཞི་འདི་གཉིས་གང་རུང་ལ་གདན་ས་ཆེན་པོ་ཤོ་ཙོམ་ཉི་ཟླ་ཟུང་གཅིག་གི་ཡ་གྱལ། དཔལ་བཀྲ་ཤིས་ཤོ་དགོན་གྱི་གནས་ཤུལ་ངོས་འཛིན་མཁན་རྣམས་ཀྱིས་འགྲོ་མགོན་སྨར་ཚང་བཀའ་བརྒྱུད་ལ་རྒྱུས་མངའ་གཏན་ནས་མེད་པ་དང་། གདན་ས་ཆེན་མོ་བཀྲ་ཤིས་ཤོ་དགོན་ལ་དགེ་འདུན་སྟོང་ཕྲག་བརྒྱད་ནས་ཁྲི་གཅིག་བཤོངས་པའི་སྟོབས་ཤུགས་ཡོད་པ་ལ་བསམ་ཞིབ་ཡེ་ནས་མེད་པ། རང་སྣང་གང་ཤར་བྲིས་མཁན་ཚོས་གདན་ས་ཤོ་དགོན་ལ་ཚོད་འཛིན་དམའ་ཐག་ཆོད་དྲག་པ་རེད། གལ་ཏེ་སྨར་ཚང་བཀའ་བརྒྱུད་ཀྱི་སྟོབས་ཤུགས་ལ་དཔག་ནས་ཉམས་ཞིབ་བྱས་མཁན་ཞིག་ཡིན་ན་འོལ་ཚོད་འདི་ལྟར་བྱེད་མི་ཕོད་པ་ཞིག་རེད་སྙམ།

ཕྱི་ལོ་༡༦༣༩་ལོ་སོག་པོ་གུ་ཤྲི་ཁང་གི་དམག་དཔུང་སྨར་ཁམས་ལ་སླེབས་ནས་གདན་ས་ཤོ་དགོན་དུ་ལོ་ངོར་ཉི་ཤུ་དམག་སྒར་བྱས་པའི་རིང་། ས་ལ་ཀླུ་མི་དགོན་དཀར་པོའི་ཕ་བྲང་དུ་གྲགས་པ། སྡེ་ལ་རུ་ཤོད་ཉ་མོ་སྟོང་སྡེ་ཞེས་གྲགས་པའི་ཁྱིམ་ཚང་སྟོང་ཕྲག་ཡོད་པའི་གྲོང་ཁྱེར་དེར། མི་ལོའི་ཉི་ཤུའི་རིང་སོག་དམག་གིས་ཁྲལ་འུལ་ཆེན་པོ་དེད་པའི་རྐྱེན་གྱིས་ཁྱིམ་ཚང་ཕལ་ཆེར་སྟོང་ནས་སྤྲང་སློང་འགྲོ་དགོས་གྱུར་ཞིང། མཐར་སོག་དམག་རྣམས་ཕྱིར་སོག་ཡུལ་ལོག་ཀྱང་རུ་ཤོད་ཡུལ་གྱི་ཞིང་ཁ་རྣམས་སྤང་ལ་གྱུར་ནས་སྐྱར་གསོ་མི་ཐུབ་པའི་ལོ་རྒྱུས་ཀྱི་རྨ་ཁ་ད་ལྟ་ལྷག་ཡོད། རང་འགྲུབ་བ་ཁྱིམ་ཚང་འགའ་ཤས་ཀྱིས་ལོ་ཉི་ཤུའི་རིང་སོག་དམག་ལ་ཟས་གོས་ཁྲལ་འུལ་སྤྲོད་ཐུབ་དང་མི་ཐུབ་བསམ་བློ་ཐོང་ན་ཤེས། སོག་དམག་རྣམས་མདོ་ལྷུའི་རི་བོའི་ངོགས་སུ་བྲག་རོང་སྟེང་དུ་བྱ་རྒོད་འབབ་པ་ལྟར་ལོ་ཉི་ཤུ་སྡོད་དགོས་པའི་རྒྱུ་མཚན་ཅི་ཡང་མེད། སྨར་ཁམས་རུ་ཤོད་ནི། ས་ལ་ཀླུའི་ཕོ་བྲང་། གྲོང་ལ་ཉ་མོ་སྟོང་སྡེ་ཞེས་དུས་ད་ལྟའི་བར་སྨར་ཡུལ་ཀུན་ལ་གྲགས་པ་དེ་ཇི་ལྟར་སུབ་ཐུབ་བམ། འཇིག་རྟེན་ཚུལ་མཐོང་གི་ལོ་རྒྱུས་ལ་རྣམ་དཔྱོད་རྩལ་བཏོན་བྱས་ནས་དངོས་ཡོད་རྗེན་པ་སྟོན་ཐབས་འབུངས་དགོས་པ་ལས་ཕྱོགས་སུ་ལྷུང་ནས་སྨྲ་བ་མི་རུང་ལ། གདན་ས་ཤོ་དགོན་གྱི་སྟོབས་ཤུགས་ཇི་ལྟར་ཡོད་མེད་ལུང་འདྲེན་གཅིག་ཞུ་ན།

འཇམ་མགོན་ས་པཎ་གྱི་སྤྲིངས་ཡིག་ལས།དཔལ་ལྡན་ས་སྐྱ་པཎྜི་ཏས། ཞིང་ཁམས་རྣམ་པར་དག་པ་ཤར་ཕྱོགས་ཀྱི་རྒྱུད་ས་གཞི་དགོས་འདོད་འབྱུང་བ་སྨར་ཁམས་ཀྱི་ཆ། ཆུ་ཀླུང་དལ་གྱིས་འབབ་པ་ཟླ་ཆབ་དཀར་མོའི་ངོགས། ཕྱོགས་ཀུན་ནས་རིན་པོ་ཆེའི་གཏེར་ཁར་དུ་མ་དང་ལྡན་ཞིང་། འབྲུ་སྣ་ཚོགས་ཀྱི་འབྱུང་ཁུངས། ཁོར་ཡུག་གི་རི་བོ་རབ་ཏུ་མཐོ་ཞིང་།  ས་གཞི་ཡིད་དུ་འོང་བ་ལྷུན་པོའི་ངོས་ལ་འཇམ་པའི་སྤང་ལྗོངས་མེ་ཏོག་སྣ་ཚོགས་ཀྱིས་མཛེས་པར་སྣང་བ་ཙནྡ་གྱི་ནགས་ཚལ། ཡལ་ག་དང་ལོ་འདབ། མེ་ཏོག་དང་འབྲས་བུ་ཕུན་སུམ་ཚོགས་པས་མཛེས་པའི་བྱ་རྣམས་སྙན་པའི་སྒྲ་དབྱངས་སྒྲོག་པ་དང་བཅས་པའི་དགའ་བའི་ཚལ་ཀུན་ཏུ་བརྒྱན་པ་ལྟར། ལྷའི་བུ་དང་བུ་མོ་རྣསམ་ཀྱང་ཡིད་འཛིན་པར་བྱེད་པའི་གནས། ཉམས་མྱོང་དང་རྟོགས་པ་འཕེལ་བར་བྱེད་པའི་དབེན་གནས་དམ་པ། དཔལ་གྱི་ཤོ་དགོན་ན་བཞུགས་པ། ཚུལ་ཁྲིམས་དང་སྒྲུབ་པ་ཕུན་སུམ་ཚོགས་ཤིང་། རྟོགས་པ་དང་མཁྱེན་བརྩེའི་ཡོན་ཏན་ཁྱད་པར་ཅན་དང་ལྡན་པའི་སྐྱེས་བུ་དམ་པ་རིན་པོ་ཆེ་གདན་ས་བའི་ཕྱག་ཏུ་འབུལ་བ། ཞེས་གསུངས་པ་དང་། འགྲོ་མགོན་སྨར་ཚང་བཀའ་བརྒྱུད་ཀྱི་བསྟན་པའི་བདག་པོ་རྗེ་འགྲོ་མགོན་རིན་ཆེན་བདེ་བར་གཤེགས་པ་དང་ཤོ་དགོན་གྱིས་འཇམ་མགོན་ས་པཎ་ལ་འཕྲིན་ཡིག་ཕུལ་བ་ལ། རྗེ་ས་པཎ་གྱིས་ཧོར་ཡུལ་ནས་ཤོ་དགོན་ལ་ཕུལ་བའི་སྤྲིངས་ཡིག་ལས། ཤར་ཕྱོགས་ཀྱི་སའི་ཆ་གནམ་འཕང་མཐོ་ཞིང་རྒྱར་ཡངས་ལ་ཡིད་དུ་འོང་བ། རི་བོ་ཆེན་པོ་རིན་པོ་ཆེ་འབར་བ་ལྟ་བུའི་ངོགས། རྩི་ཤིང་དང་ནགས་ཚལ་ཕུན་སུམ་ཚོགས་པ། མཛེས་པའི་མེ་ཏོག་སྣ་ཚོགས་དང་། སྒྲ་སྙན་པའི་བྱ་དུ་མས་གང་བ། གྲུབ་པ་ཐོབ་པའི་སྐྱེས་བུ་རྣམས་ཀྱིས་བསྟེན་པའི་གནས། དཔལ་གྱི་ཤོ་དགོན་ན་བཞུགས་པའི་རིན་ཆེན་གདན་ས་པས་དབུ་མཛད་དགེ་འདུན་རྣམས་ཀྱི་ཕྱག་ཏུ་སྤྲིང་བ། འགྲོ་བ་ཐམས་ཅད་ལ་བུ་གཅིག་པ་ལྟར་བརྩེ་བའི་ངང་ཚུལ་ཅན་བླ་མ་དམ་པ་དེ་ལ་འདས་གྲོངས་མི་མངའ་ཡང་། སྐྱེ་བོ་རྟག་འཛིན་ཅན་རྣམས་དྲང་བའི་ཕྱིར། བདེ་བ་ནས་བདེ་བར་གཤེགས་པ་དེ། སངས་རྒྱས་ཀྱི་བསྟན་པ་ཉམས་དམས་ཤིང་། སེམས་ཅན་རྣམས་མགོན་དང་བྲལ་བ་ཡིན་མོད་ཀྱི། འོན་ཀྱང་ཡང་དག་པའི་དོན་ལ་དགོངས་ནས་ཐུགས་ཁྲལ་མི་མཛད་པར་ཞུ། ཞེས་གསུངས་པ་ལྟར།

 རིག་པའི་གནས་བཅུ་ལ་མཁས་པའི་ས་སྐྱ་པཎ་ཆེན་གྱི་གསུང་འཕྲིན་འདིར་ལྟོས་དང་གདན་ས་ཤོ་དགོན་གྱི་ཁྱད་ཆོས་ཕྱོགས་ཙམ་རྟོགས་ཐུབ་ངེས་རེད་སྙམ། མདོ་ལྷུའི་ས་ཆ་དེ་ཤོ་དགོན་གྱི་གནས་ཤུལ་ཡིན་མིན་གློག་ཆས་ལ་དཔྱད་ཞིབ་ཆེད་དུ་རྡོ་རྐོས་ཀྱི་རི་མོ་སོགས་གནའ་རྫས་འགའ་ཞིག་བླངས་ཤིང་། ལྷ་ཁང་གི་གྱང་ངོས་ལ་འོད་དཔག་མེད་ཀྱི་རྡོ་སྐུ་དེ་ལོ་དུས་དཔྱད་ཞིབ་ཆེད་དུ་གཡར་རོགས་ཞུས་ཀྱང་འབུར་དགོན་གྱིས་བདག་གིར་བཟུང་ནས་གཡར་མ་སོང་། ང་ཚོས་ཤོ་དགོན་གྱི་གནས་ཤུལ་འཁྲུལ་མེད་ཅིག་གང་དུ་ཡོད་མེད་ལ་དམིགས་ཀྱིས་བཀར་ནས་འཚོལ་དགོས་པ་ལས། ཤོ་དགོན་གྱི་གནས་ཤུལ་སྨར་བྲག་གོ་གསུམ་གང་གི་ཁོངས་སུ་ཡོད་མེད་ལ་ཁྱད་པར་དང་རྩོད་པ་གཏན་ནས་མེད། འོན་ཀྱང་འགན་འཁུར་གཏན་ནས་མེད་པར་མིག་གདངས་ནས་ལོང་སྐད་རྒྱག་མཁན་གྱིས་ལམ་དུ་ནམ་ཡང་གཏོང་མི་སྲིད་པ་འདིས་ཀྱང་མཁྱེན་པར་མཛོད།

             རྗེ་སྨར་པ་རང་འགྲུབ་དཔོན་ཚང་ལ་འཁྲུངས་ཟེར་བར་སུན་ཕྱུང་བ།

སྐུ་ཞབས་ཇོ་སྲས་ལགས་ཀྱིས་ཆོས་རྗེ་སྨར་པ་རང་གྲུབ་དཔོན་ཚང་རེད་ཅེས་ཚིག་ཐག་བཅད་པ་འདི། ཁྱེད་ཀྱིས་རྡོ་རྗེ་བཀའ་ལུང་ཕབ་པ་ཡིན་ནམ། མངོན་ཤེས་ཀྱིས་མཁྱེན་པ་ཡིན་ནམ། ལུང་ཚད་མས་ཁུངས་ཡོད་དམ། གཏད་ཚིགས་རིགས་པའི་སྒྲུབ་བྱེད་ཡོད་དམ། སྐུ་ཉིད་ཀྱིས་འགན་འཁུར་མེད་པར་ཇུས་མེད་ཇུས་འཁྲི་བྱས་པ་ལ་བློ་ཕམ་ཆེན་པོ་ཡོད། རྗེ་སྨར་པ་རིན་པོ་ཆེའི་འཁྲུངས་ཡུལ་སྨར་ཁམས་རུ་ཤོད་ཡིན་པ་རྣམ་ཐར་ལས་གསལ་གསལ་རྗེན་རྗེན་ཡིན་ཏེ། རྗེ་སྨར་པའི་རྣམ་ཐར་ལས། སྨར་ཁམས་རུ་ཤོད་དགེ་རྒྱས་བྱེ་མའི་ཀློང་ཞེས་བྱ་བ། ཡབ་ནི་ཐེག་པ་ཆེན་པོའི་རིགས་ཅན་བྱམས་སྙིང་རྗེས་རྒྱུ་འབྱོངས་པ། ལྡན་འདུ་སྒོམ་པ་ཀླུའི་གཙུག་ཅེས་བྱ་བ། སྐྱེས་ཐོབ་ཀྱི་བྱང་ཆུབ་སེམས་དཔའ་གྱུར་པ་ཞིག་གི་སྲས་སུ་སྐུ་མཆེད་གསུམ་གྱི་ཐ་ཆུང་དུ་སྐུ་འཁྲུངས། ཞེས་གསུངས་པ་ལ་ལྟོས་དང་། སྨར་ཁམས་རུ་ཤོད། ལྡན་འདུ་གྲོང་། སྒོམ་པ་ཚང་། ཡབ་ཀྱི་མིང་ལ་ཀླུའི་གཙུག་ཅེས་སྐྱེས་ཐོབ་ཀྱི་བྱང་ཆུབ་སེམས་དཔའ་ཡིན་པ་དང་ཐེག་ཆེན་རིགས་ཅན་ཡིན་པ། ཡབ་ལ་བུ་གསུམ་གྱི་ནང་ནས་ཆུང་བ་ཡིན་ཚུལ་བརྗོད་དུས། གྲོང་ཁྱེར་དང་གྲོང་སྡེ། ཁྱིམ་ཚང་དང་ཡབ་ཀྱི་མིང་གོང་རིམ་བསྒྲིགས་ནས་བརྗོད་ཞོར་ཡབ་ཀྱི་ཁྱད་ཆོས་གང་ཡོད་མངོན་པའི་ཁྲོད་འདི། དཔོན་བརྒྱུད་ཡིན་ན་མ་བྲིས་པ་བཞག་པའི་བཟོ་ལྟ་ཞིག་འདུག་གམ། བོད་པའི་ལོ་རྒྱུས་ཁྱོན་ཡོངས་ལ་དཔོན་རིགས་སོགས་རིགས་རྒྱུད་ཡོད་པ་ཞིག་ཡིན་ན་སྨྱུག་འཛིན་པ་ཚོས་མཛུབ་རྩེ་ལ་འཕྱར་ནས་བྲིས་པ་གསལ་པོ་རེད།

དཔེར་ན། རྗེ་རིན་ཆེན་རྒྱལ་མཚན་གྱི་ཡབ་འབོམ་པ་དཔོན་ཡིན་པས་རྒྱལ་རིགས་ཞེས་ཁྱད་བསྟོད་བྱས་ཞིང་། རྗེ་འདི་ལའང་རྒྱལ་སྲས་རིན་ཆེན་གླིང་པ་ཞུ་བ་ལྟ་བུ་དང་། སྨར་ཚང་གི་སྤང་མཁན་ཆེན་གྱི་རྣམ་ཐར་ལས། རིགས་ནི་མིའུ་གདོང་དྲུག་ཡོད་པ་ལས་ཤཱཀྱའི་རིགས་སམ་རྒྱལ་རིགས་ལྟ་བུ་ཞེས་སོགས་རིགས་གང་ཡིན་མངོན་ཅི་ཐུབ་བྱས་སྲོལ་དར་བའི་དུས་དེར། གྲུབ་མཐའི་ཤིང་རྟ་སྲོལ་འབྱེད་སྨར་པ་རིན་པོ་ཆེ་དཔོན་གྱི་རུས་རྒྱུད་ཡིན་ན་མ་བྲིས་པ་འཇོག་ས་རེད་དམ། དུས་དེ་དང་དེའི་ཚེ་དངོས་འབྱུང་ལོ་རྒྱུས་ཚད་ཐུབ་འདི་དག་འདྲེན་བྱེད་མིག་གིས་ཁྲ་ལྷམ་མེ་མཇལ་བཞིན་དུ། རྗེ་སྨར་པ་རིན་པོ་ཆེ་རང་འགྲུབ་དཔོན་ཚང་རེད་ཅེས་ཚིག་ཐག་བཅད་པ་འདི་ཕོ་ཚོད་ཆེན་དྲག་པ་མ་ཡིན་ན། ལུང་དང་གཏན་ཚིགས་གང་ཡོད་དྲོངས་ཤིག།ཁྱེད་ཀྱིས་འགྲོ་མགོན་དཀོན་མཆོག་རྒྱལ་མཚན་གྱི་ཡན་འདབ་ལ་སྨར་ཚང་ཡབ་སྲས་ཀྱི་རྣམ་ཐར་དང་། ལོ་རྒྱུས་ཁོངས་ལྡན་ཞིག་ནས་རྗེ་སྨར་པ་རིན་པོ་ཆེའི་འཁྲུངས་ས་རང་འགྲུབ་དཔོན་ཚང་ཡིན་པའི་ལུང་ཚིག་གཅིག་དྲངས་པའི་ཉིན་མོ་དེར། སྨར་ཚང་བཀའ་བརྒྱུད་ཀྱིས་ཁྱེད་ལ་བྱ་དགའ་འབུལ་རྒྱུ་ངང་སྒུག་བྱེད་བཞིན་ཡོད། རང་གི་ལུས་ལ་དཔེ་བླངས་ལ། །གཞན་ལ་གནོད་པར་མ་བྱེད་ཅིག །ཅེས་གསུངས་པ་ལྟར་གནང་བའི་རེ་བ་ཡོད། གྲུབ་མཐའ་འདིའི་ལོ་རྒྱུས་སོགས་གང་ཅན་འཐད་ལ་གཟུགས་མེད་གྲིབ་བཟོ་དང་གཞི་མེད་འུར་སྟོང་སྒྲོག་པའི་སེར་སྐྱ་སུ་ཞིག་ཡིན་རུང་། འཛེམ་ཟོན་མེད་པར་ལུང་རིག་གཉིས་ཀྱིས་འཐེར་འདོན་བྱེད་པ་ལས་བཟོད་སྒོམ་ནམ་ཡང་བྱེད་ཐབས་མེད།

                          རག་མགོ་རིན་པོ་ཆེས་དགོན་སྟེང་ལ་ཤོ་དགོན་ངོས་བཟུང་བར་སུན་ཕྱུང་བ།

               IMG_1203.JPGIMG_1233.JPG

དུད་ཚང་འདིའི་རྒྱབ་དུ་རི་འབུར་དེ་རག་སྤྲུལ་གྱིས་ཤོ་དགོན་ངོས་འཛིན་ནས་ལྷ་ཁང་དང་མཆོད་རྟེན་བཞེངས་པའི་དགོན་སྟེང་གི་པར་ཡིན།

རག་མགོ་རིན་པོ་ཆེས། རང་རྒྱལ་ས་གླང་འདིར་གྲུབ་དབང་ཤཱཀྱ་ཤྲིའི་ཞལ་སློབ་ཚེ་བརྟན་རྡོ་རྗེ་དང་། དཔལ་ལྡན་འབྲུག་པའི་རྒྱུད་འཛིན་འཇམ་དབྱངས་སྤྲུལ་སྐུ་གཉིས་ལ་གུས་པས་རྒྱུས་གསལ་ཞུས་བཞིན། ཤོ་དགོན་གཙུག་ལགས་ཞིག་ཤུལ་དུ་ཆོས་རྗེ་སྨར་པ་སོགས་གོང་མ་རྣམས་ཀྱི་གདུང་འབུམ་ས་ཐོ་ཁ་ཤས་ཡོད་པ་ལ་ཉམས་གསོས་ཀྱིས་ཕྱིའི་ལྷ་ཁང་དང་ནང་གི་མཆོད་རྟེན་ལྔ་བཅས་ལེགས་པར་གྲུབ་པའོ། །

ཞེས་གསུངས་པ་འདི།ལོ་དུས་ནི་ཕྱི་ལོ་༡༩༤༩་ལོར་མའོ་ཙེ་ཏུང་གིས་ཝང་ཀྲེན་ལ་བོད་དུ་དམག་དཔུང་དྲངས་དགོས་པའི་བཀའ་ཕབ་པའི་ལོ་དེ་ཡིན་ཞིང། ལོ་དེར་རག་མགོ་རིན་པོ་ཆེ་དགོངས་གྲངས་བདུན་ཅུ་སོན་པའི་ས་གླང་ལོ་ལ་གོ་འཇོ་དང་ཐག་ཉེ་བའི་བྲག་གཡབ་ཀྱི་དགོན་སྟེང་ཞེས་པ་དེ་ཤོ་དགོན་ངོས་བཟུང་ནས་ལྷ་ཁང་ཆུང་ཆུང་ཞིག་དང་མཆོད་རྟེན་ཆུང་ཆུང་ལྔ་བཞེངས་མཛད་འདུག་པས། ང་ཚོས་ལོ་མང་སྔོན་ནས་ཚེ་བརྟན་རྡོ་རྗེ་དང་འཇམ་དབྱངས་སྤྲུལ་སྐུ་གཉིས་ཀྱི་ལོ་རྒྱུས་ཞིབ་འཇུག་བྱས་དུས། ཆབ་མདོ་བེ་རུ་འབྲོག་པ་བཀའ་རྙིང་ཉམས་ལེན་པ་གྲུབ་དབང་ཤཱཀྱ་ཤྲིའི་རྣམ་ཐར་ལས། ཕྱག་རྫོགས་ཀྱི་སློབ་མ་སོ་སོར་དབྱེར་ནས་དྲངས་དུས་རྫོགས་ཆེན་ཉམས་ལེན་གྱི་སློབ་མའི་གྲོས་སུ་བྲག་གཡབ་ལྷ་སྲུང་འཇམ་དབྱངས་སྤྲུལ་སྐུ་ཞེས་བཀོད་པ་དེ་ཡིན་ན། ཁོང་གིས་འཇམ་སྤྲུལ་དེ་འབྲུག་པ་བཀའ་བརྒྱུད་པའི་རྒྱུད་འཛིན་གྱི་བླ་མ་ཞིག་ངོས་བཟུང་བ་དེས་ཀྱང་ནོར་བ་འདྲ།ཚེ་བརྟན་རྡོ་རྗེ་ནི་ཤཱཀྱ་ཤྲིའི་སློབ་མའི་གྲས་ཀྱི་མིང་ཐོ་ནང་གསལ་བ་མ་མཐོང་ལ། ཤཱཀྱ་ཤྲི་ནི་ཀོང་སྤྲུལ་དང་རྫ་དཔལ་སྤྲུལ་སོགས་ཀྱི་སློབ་མ་ཡིན། འཇམ་སྤྲུལ་འདི་དགོན་པ་ཞིག་གི་ཡང་སྲིད་ངོས་འཛིན་བྱས་པའི་བླ་མ་མིན་པས་ཡང་སྤྲུལ་མེད་ལ། འདི་མཁྱེན་དགོས་པ་ཞིག་ནི་དགོན་སྟེང་གི་ས་འདི་ནས་མདོ་ལྷུའི་བར་རྦ་རྦའམ་འཕྲུལ་རྟ་འཁོར་ལོ་ཞོན་ནས་འགྲོ་དུས་ཆུ་ཚོད་ཕྱེད་ཙམ་གྱི་ལམ་ཐག་འདུག་ཟེར། རག་སྤྲུལ་གྱིས་ཁོང་གཉིས་ལ་རྒྱུས་གསལ་ཞུས་བཞིན་ཤོ་དགོན་གྱི་གནས་ཤུལ་ལ་ལྷ་ཁང་བཞེངས་ཚུལ་བཤད་པ་དེ་གོ་དོན་གཉིས་ལ་དབྱེ་ནས་དཔྱད་ན།

དང་པོ། རག་སྤྲུལ་གྱིས། ཁོང་གཉིས་ལ་དགོན་སྟེང་དུ་ལྷ་ཁང་དང་མཆོད་རྟེན་བཞེང་ཆོག་པའི་ལོ་རྒྱུས་གསལ་པོ་འགྲེལ་བཤད་བྱས་ནས་ཆོག་མཆན་ཞུས་བཞིན་ལྷ་ཁང་བཞེངས་པ་ཡིན་ཟེར་བ་ལ་གོ་ན། གོང་ཞུས་ལྟར་བླ་མ་རང་མགོ་མི་ཐོན་སར། ཤི་པོ་ཡར་འདྲེན་ཕར་བཞག་རེད་ཟེར་བའི་དཔེ་ལྟར། ཁོང་གཉིས་ལ་དགོན་སྟེང་གི་ས་ཆ་དེར་བདག་དབང་གཏན་ནས་མེད་མཁན་ཞིག་རེད་འདུག་པས་རྒྱུས་གསལ་ཞུས་དོན་ཅི་ཡང་མེད་པ་གསལ་པོ་རེད།

གཉིས་པ། འཇམ་སྤྲུལ་དང་ཚེ་རྡོར་གཉིས་ལ་དགོན་སྟེང་གི་ས་ཆ་དེ་ཤོ་དགོན་གྱི་གནས་ཤུལ་ཡིན་པའི་སྒྲུབ་བྱེད་ཀྱི་ལོ་རྒྱུས་གསལ་པོ་ཞུས་བཞིན་ལྷ་ཁང་བཞེངས་པ་ཡིན་ཟེར་བ་ལ་གོ་ན། ཁོང་གསུམ་ཀས་ཤོ་དགོན་གྱི་གནས་ཤུལ་དགོན་སྟེང་ཡིན་པར་ལྟ་ཚུལ་མཐུན་འདུག་པས། འཇམ་སྤྲུལ་དང་ཚེ་རྡོར་གཉིས་ཀྱིས་རང་གི་རྩ་བའི་དམ་བཅའ་རག་སྤྲུལ་ལ་ཤོར། རག་སྤྲུལ་ཁོ་རང་གིས་ཀྱང་སྔར་མདོ་ལྷུའི་རི་ལ་འདམ་སྟེང་ངོས་བཟུང་བའི་དམ་བཅའ་དེ་ཡང་ནང་འགལ་ཉིད་དུ་གྱུར། ཁོང་གསུམ་ད་ལྟ་འཚོ་བཞུགས་ཡོད་ཚེ་ལྷན་གཅིག་འཛོམས་ནས་བགྲོ་གླེང་བྱེད་ན་གད་མོ་ལུང་པ་གང་བླང་བར་མ་ཡིན་སྙམ། འདིར་སྨྲོས་པ། མཆོག་སྤྲུལ་རག་འཇམ་གཉིས་དང་ཚེ་རྡོར་གྱིས། །ཤོ་དགོན་གནའ་ཤུལ་རྡོ་ཐོག་རྡོ་བརྩིགས་ལ། །ཕྱིས་རབས་པ་འགས་འདམ་ལྷན་སྦྱར་ན་ཡང། །བདེན་གཏམ་ཆར་རླུང་གཅིག་གིས་ཐར་རེ་གཏོར། །

               སྨེར་གཤིས་དེ་སྨར་ཤོད་ལ་རང་བཟོ་བྱས་པར་སུན་ཕྱུང་བ།

    IMG_7761.JPGIMG_1234.JPG

     འདི་བྲག་གཡབ་སྨེར་ཆུ་དང་སྨེར་གཤིས་ལུང་པའི་ཕུར་མདའ་ཕྱོགས་ཀྱི་པར་ཡིན།

གྲུབ་ཆེན་ཉག་སེའི་རྣམ་ཐར་ལས། སྨེར་གཤིས་ཕུ་མདའ་ཉིན་སྲིད་ན་ཞལ་མལ་ཅིག་མ་རྙེད་ཅེས་དང་། ནུབ་སྒང་གཅིག་འོག་གཤམ་དུ་མཆན་ལ་ཞེས་སྨེར་གཤིས་ཞེས་དང་། སྨེར་འདོང་ཞེས་ཐེངས་གསུམ་དྲངས་པ་དང་། སྨར་པ་རིན་པོ་ཆེ། ཉག་རེ་སེ་བ། ཁམས་སྤྲུལ་ཀརྨ་བསྟན་འཕེལ་སོགས་ཀྱི་སྐབས་སུ་སྨེར་གཤིས་དགོན་ཚོ་བཅོ་བརྒྱད་ཅེས་བྲིས་པ་ལས། ས་ཁུལ་དེར་སྨར་ཤོད་ཟེར་བའི་མིང་ཚིག་ཅིག་བྲིས་སྲོལ་མི་འདུག་ཅིང་།དགེ་ལུགས་ཆོས་འབྱུང་བེཌཱརྱ་སེར་པོ་ལས། ཉག་རེའམ་བྲག་ཡབ་བཀྲ་ཤིས་ཆོས་རྫོང་ནི་ཞེས་སོགས་ནས་བྲག་གཡབ་དུ་དགེ་ལུགས་དགོན་པ་དྲངས་དུས། ལ་གཤིས་ལྷ་ཁང་། སྨད་གཤིས་རིན་སྤུངས་དགོན། སྨད་གཤིས་བྲག་ཡབ་དགོན་ལ་གྲྭ་པ་བཅོ་ལྔ། སྨད་གཤིས་དགོན་གསར་བ་ལ་གྲྭ་པ་བཅོ་ལྔ་ཞེས་བྲིས་པ་འདི་སྨེར་གཤིས་ཀྱི་དག་ཆ་ནོར་བ་གསལ་པོ་ཡིན་ཏེ། བྲག་གཡབ་གྲགས་པ་རྒྱ་མཚོའི་རྣམ་ཐར་ལས། ཕྱ་དྲུང་པས་སྨར་ཚང་གི་དགོན་པ་བྱམས་གླིང་དགོན་པ་ནི་སྨེར་གཤིས་དགོན་ཁག་རྣམས་ཀྱི་དཀྱིལ་ཡིན་པས་དེར་བཞུགས་ན། ཞེས་སྨེར་གཤིས་ཞེས་མིང་ཚིག་བྲིས་པའི་དུས་རབས་དང་དགེ་ལུགས་ཆོས་འབྱུང་བེ་སེར་བྲིས་པའི་དུས་རབས་གཅིག་ཡིན་པ་སོགས་ཁྱོན་ལ་ཞིབ་ན་ཤེས།  སྨེར་གཤིས་ཞེས་པའི་མིང་ཚིག་འདི་ལ་སྨར་གཤིས་དང་སྨར་ཤོད་ཞེས་ཚིག་བཟོ་བྱེད་ས་སོར་གང་ཡང་མེད།

ཕྱིས་སུ་པདྨ་དང་བློ་བཟང་གཉིས་ཀྱིས་བྲག་གཡབ་བླ་དགོན་གྱི་ལོ་རྒྱུས་ཞེས་པའི་ཤོག་གྲངས་༧༢་ལས། རང་འགྲུབ་ཆུས་ཀྱི་ས་ཆ་རྨེར་ཆུ་འབབ་བརྒྱུད་དུ་དགོན་གནས་ས་ཁྱབ་རྡོ་ཁྱབ་ཏུ་དར་རྒྱས་བྱུང་བར་བརྟེན་བཤད་སྲོལ་ལའང་རྨེར་གཤིས་དགོན་ཚོ་བཅོ་བརྒྱད། ཕྱ་ཀོང་དུང་གཉིས་དང་ཉི་ཤུ་ཡོད་ཟེར། གདན་ས་ལྟེ་བ་ཤོ་དགོན་ནི་ད་ལྟ་རང་འགྲུབ་ཆུས་ཛོ་ཐང་ཤང་། མདོ་ལྷུ་ཚུན་དུ་ཤོ་དགོན་གྲོང་ཚོ་ཡོད་ས་དེར་ཡིན་ཞིང་ཞེས་གསུངས།

སྨེར་གཤིས་དེ་རྨེར་གཤིས་ལ་བསྒྱུར་ནས་བྲིས་སྲོལ་བཏོད། དེ་ནས་ཨ་མྱེས་རྨ་ཆེན་གྱི་སྟོན་པའི་ཉག་སེའི་མགུར་འབུམ་མཇུག་ཏུ་བྲག་གཡབ་ཀྱི་ས་མིང་དང་ཀླུ་ས་དང་གཞི་བདག་གི་མིང་ཡོད་པ་འགའ་ཤས་ཤིག་ངོས་བཟུང་བའི་འགྲེལ་བཤད་ཟེར་བའི་ཤོག་གྲངས་༡༣༣་ལས། འོན་ཀྱང་སྨར་ཚང་བཀའ་བརྒྱུད་ཀྱི་བསྟན་པ་དར་སྒང་གི་སྨར་གཤིས་དགོན་ཚོ་བཅོ་བརྒྱད་། ཅེས་རྨེར་གཤིས་དེ་སྨར་གཤིས་ལ་བསྒྱུར། བྲག་གཡབ་བླ་དགོན་གྱི་ལོ་རྒྱུས་ཤོག་གྲངས་༧༢་ལས། བྱམས་མདུན་ཆུས་དང་། རང་གྲུབ་ཆུས་ཀྱི་ས་རྨེར་(སྨར)ཆུ་འབབ་རྒྱུད་དུ། ཞེས་པདྨ་དང་བློ་བཟང་གཉིས་ཀྱིས་བྲིས་པ་དེ་ལུང་དྲངས་ཞོར་དུ། ཁོ་པ་གཉིས་ཀྱིས་རྨེར་བྲིས་པ་དེ་ནོར་བཅོས་བྱས་ནས་རང་གིས་འདོད་ཚུལ་ལྟར་སྨར་ཆུ་འབབ་རྒྱུད་ཅེས་བྲིས་སྲོལ་བཏོད་པ་འདི་དག་གོང་འོག་ལ་ཞིབ་མོ་བལྟས་དུས། སྨར་ཁམས་པའི་ས་ཆུ་རི་གསུམ་གྱི་ཐ་སྙད་ཐམས་ཅད་དྲུད་ཐུབ་ཐབས་བྱས་འདུག་པས།   འོ་ན།

ཁྱོད་ཅག་གིས་སྨེར་གཤིས་ཀྱི་མིང་ཚིག་དེ་སྨར་གཤིས་བྲིས་པ་ནོར་འཁྲུལ་འབའ་ཞིག་ཡིན་ཏེ། ཉག་རེ་སེ་བ་དང་། གྲགས་པ་རྒྱ་མཚོ། སྡེ་སྲིད་མགོ་ལེབ། ཁམས་སྤྲུལ་ཀརྨ་བསྟན་འཕེལ་སོགས་ཀྱིས་སྨེར་གཤིས་བྲིས་པའི་མིང་ཚིག་དང་ཡོངས་སུ་འགལ་བའི་ཕྱིར། ཞེས་རྟགས་བཀོད་ན། ལན་ཅི་འདེབས་སམ། ཡང་ན  བླ་ཆེན་དང་མི་ཆེན་དེ་དག་གིས་སྨེར་གཤིས་བྲིས་པ་དེ་ནོར་འཁྲུལ་ཁོ་ན་ཡིན་པར་ཐལ། ཁྱེད་ཚོའི་དགོངས་པ་དང་ཡོངས་སུ་འགལ་བའི་ཕྱིར། ཞེས་རྟགས་བཀོད་ན་ལན་ཅི་འདེབས་སམ། འདོད་ཟེར་ནུས་སམ། སྨེར་གཤིས་ལ་སྨར་ཚང་གི་དགོན་ཚོ་བཅོ་བརྒྱད་ཡོད་པའི་རྒྱུ་མཚན་གྱིས་ཤོ་དགོན་དེར་ཡོད་པ་ཁས་ལེན་པ་ཡིན་ཟེར་ན། ཤོ་དགོན་དེ་སྨར་ཁམས་གོ་བོ་ལ་ཡོད་པར་ཐལ། སྔ་སྨར་ཚང་གི་ཡན་ལག་གོ་བོ་དགོན་ཚོ་བཅོ་བརྒྱད་ཟེར་བ་ཡོད་པའི་ཕྱིར།

ད་ལྟ་རེ་ཟུང་གིས་སྨེར་གཤིས་ཀྱི་ཐ་སྙད་དེ་དང་པོ་རྨེར་ཤོད་ལ་བཟོས་ནས། རྨེར་ཤོད་དང་རྨེར་ཆུ་ཞེས་བྲིས། དེ་ནས་རེ་ཟུང་གིས་རྨེར་ཤོད་དེ་སྨར་ཤོད་ལ་བཟོས་ནས་སྨར་ཤོད་སྟོད་སྨད་དང་སྨར་ཆུ་ཞེས་བྲིས། དེ་ནས་སྨར་ཁམས་ཀྱི་མིང་དེ་བྲག་གཡབ་སྨར་ཤོད་ནས་ཐོག་སྲིད་པ་རེད་ཅེས་ཕོ་ཚོད་བྱས། དེ་ནི་ལྷོ་རོང་ཆོས་འབྱུང་དང་། རག་མགོ་སྤྲུལ་སྐུ། ཨ་འཛོམ་འབྲུག་རྒན་གསུམ་གྱིས་སྨར་ཤོད་བྲིས་པའི་ཚིག་དོན་གྱི་གོ་བ་མ་རྙེད་པ་ཡིན་ཏེ། སྨར་ཞེས་པ་འདི་སྨར་ཁམས་དང་། ཤོད་ཅེས་པ་འདི་རུ་ཤོད་ཡིན་པའི་མིང་ཚིག་བསྡུར་ནས་བྲིས་པ་ཡིག་འགྲོས་ལ་ལྟོས་དང་ཤེས། ཚིག་འདིས་བྲག་གཡབ་རང་འགྲུབ་ལ་སྨར་ཤོད་ཡོད་པའི་ཁུངས་གང་ཡང་བསྟན་མེད་པ་ཤེས་པར་གྱིས།

        གདན་ས་ཤོ་དགོན་རང་འགྲུབ་དཔོན་ཚང་ལ་གྱུར་ཟེར་བར་སུན་ཕྱུང་བ།

པདྨ་དང་བློ་བཟང་གཉིས་ཀྱི་བྲག་གཡབ་བླ་དགོན་གྱི་ལོ་རྒྱུས་ཤོག་གྲངས་༧༣་ལས། སྨར་པ་བཀའ་བརྒྱུད་ཀྱི་སྲོལ་གཏོད་པ་པོ་ཆོས་རྗེ་ཡེ་ཤེས་དངོས་གྲུབ་ནས། ཆོས་རྗེ་རིམ་པས་གདན་རབས་ཀྱིས་སྐྱོང་བ་ནས་མཐར་གདུང་རབས་དང་། དགོན་པ་དུད་ཚང་ངམ་དཔོན་ཚང་ལ་འགྱུར་ཏེ། བླ་དཔོན་སྦྲགས་མ་ད་ལྟ་ཡང་མི་ཚང་དང་། བུ་རྒྱུད་ཡོད་པ་ཕྱ་ཀོང་དུང་རྒྱུད་ཅེས། ནང་སོ་ཡས་མས་སམ་རང་འགྲུབ་དཔོན་ཚང་དང་། ནང་སོ་དཔོན་ཚང་ཞེས་པར་འགྱུར་སོང་ལུགས་ཤོད་ཅེས་ཟེར།

རྗེ་སྨར་པ་རིན་པོ་ཆེ་བྱིས་པའི་དུས་ལ་བླ་མ་དགའ་བློས་ཀུན་དགའ་དཔལ་ཞེས་མཚན་གསོལ། བཀའ་གདམས་པའི་དགེ་བཤེས་སྒོམ་རྒྱ་བ་ཤེས་རབ་རྒྱལ་མཚན་དང་། བག་རེ་དགེ་བཤེས་ཤེས་རབ་གྲགས་པ་གཉིས་ལས་རབ་ཏུ་བྱུང་བའི་མཁན་པོའི་མཚན་ཟུར་ལས་དྲངས་ནས་ཤེས་རབ་ཡེ་ཤེས་ཞེས་གསོལ་ཞིང་། རྗེ་ཕག་གྲུ་པས་གསང་མཚན་མི་བསྐྱོད་རྡོ་རྗེ་ཞེས་གསོལ། ཁོང་གིས་མགུར་འབུམ་དང་འཕྲིན་ཡིག་ཁག་གི་མཇུག་བྱང་དུ་ཤེས་རབ་ཡེ་ཤེས་སམ་མི་བསྐྱོད་རྡོ་རྗེ་གང་རུང་བྲིས་སྲོལ་མཛད་ཅིང། ཕྱིས་སུ་རྗེ་སྨར་པའི་མཚན་ལའང་ཡེ་ཤེས་དངོས་གྲུབ་དང་། ཤེས་རབ་སེངྒེ་། རིན་ཆེན་བློ་གྲོས། ཆོས་རྗེ་དམར་པ་ཟེར་བ་སོགས་ཚིག་དོན་གཉིས་ཀ་མ་དག་རྒྱུན་འབྱམས་བྱས་པ་རྣམས་ཡིག་ནོར་ཡིན་མིན་ཙམ་ཡང་མི་ཤེས་པའི་རྩོམ་པ་པོ་དང་། ལོ་རྒྱུས་སྨྲ་བ་འཁུར་དུ་རློམ་པ་དག་གིས་མཚན་གྱི་རྣམ་གྲངས་ལྟ་བུ་རྩིས་པ་ནི་ནོར་ཐོག་ནོར་བརྩིགས་ཀྱི་གད་སྙིགས་ཇི་མང་དུ་གཏོང་བར་ཙམ་ལས། རྗེ་སྨར་པའི་ལོ་རྒྱུས་ཁུངས་ཐུབ་དང་ཡོངས་སུ་འགལ་བའི་ཕྱིར་རོ། །

གོང་དུ་སྨར་ཚང་བཀའ་བརྒྱུད་ཁྱིམ་ཚང་གྱུར་རབས་བཤད་པའི་སྒྲུང་དེ་སྙན་པོ་བརྩམས་འདུག་ལ་དགད་མོ་བྲོ་བ་ཡང་འདུག་པས་ཁ་གསལ་དུ་གཏོང་ན། སྨར་ཚང་བཀའ་བརྒྱུད་དེ་ཆོས་རྗེ་མིང་མེད་རྡོ་རྗེ་གཅིག་གིས་མཐར་གདུང་རབས་ལ་བསྒྱུར་བས། ཤོ་དགོན་ཆགས་པའི་ས་དེ་རིམ་པ་བཞིན་དུ་དུད་ཚང་གི་ངོ་བོ་ལ་གྱུར། དེ་ནས་དུད་ཚང་དེ་རིམ་པ་བཞིན་དུ་དཔོན་ཚང་གི་ངོ་བོ་ལ་གྱུར། དེ་ནས་དཔོན་ཚང་དེ་རིམ་པ་བཞིན་དུ་བླ་མ་དང་དཔོན་པོ་སྦྲགས་མ་ཞིག་གི་ངོ་བོ་ལ་གྱུར། དེ་ནས་བླ་དཔོན་སྦྲགས་མ་དེ་ལ་ནང་སོ་དཔོན་དང་། རང་འགྲུབ་དཔོན་གཉིས་སུ་གྱུར་བར་ཁས་ལེན་བྱེད་འདུག་པས།  འོ་ན།

པདྨ་དང་ཇོ་སྲས་ཐུན་མོང་ལ་འདྲི་བ་འདི་ལྟར། ཤོ་དགོན་ཉམས་ནས་བཟུང་རིམ་པ་མང་པོ་ཞིག་རྒྱུན་ནས་མཐར་རང་འགྲུབ་དཔོན་ཚང་ཟེར་བ་ཞིག་ལ་གྱུར་བའི་ཁས་ལེན་འདི་དང་། ཤོ་དགོན་གཏན་ནས་མེད་པའི་སྔོ་རོལ་ཏུ་རང་འགྲུབ་དཔོན་ཚང་དེ་ཡོད་པ་ཁས་ལེན་ནས། རྗེ་སྨར་པ་རང་འགྲུབ་དཔོན་ཚང་ལ་འཁྲུངས་ཟེར་བ་འདི་གཉིས་འགལ་བ་ལྟག་སྤྲོད་དུ་གྱུར་བས་ཇི་ལྟར་འགྲེལ་ལམ།  ཆོས་རྗེ་སྨར་པ་རང་འགྲུབ་དཔོན་ཚང་ལ་འཁྲུངས་མེད་པ་ཐལ། ཆོས་རྗེ་སྨར་པ་འདས་ནས་ཤོ་དགོན་ཐོར་ཟིན་པའི་རྗེས་སུ་བླ་དཔོན་སྦྲགས་མའི་ཁྱིང་ཚང་ལས་རང་འགྲུབ་དཔོན་བྱུང་བའི་ཕྱིར། རྟགས་འདི་ལ།  སྒྲུང་འགོ་རྩོམ་མཁན་པདྨ་དང་སྒྲུང་མཇུག་བསྡུར་མཁན་ཇོ་སྲས་བཀྲ་ཤིས་ཚེ་རིང་རྣམ་པ་གཉིས་ཀྱིས་ལན་ཐོབ། དེས་ན་ཁྱེད་གཉིས་ཀྱིས་མགོ་རུལ་བར་སྣ་ཡིས་ཚོར་སོང་ངམ།

     IMG_1210.JPGIMG_1204.JPG18.JPG

            མདོ་ལྷུ་རི་ལ་དུད་ཁྱིམ་སྟོང་པ་རྣམས་ཀྱི་གྱང་རོ་དང་དུད་གསར་ཆགས་ཀྱི་པར་ཡིན།

ད་ལྟ་ཤོ་དགོན་ཡིན་ཟེར་བའི་ས་ཆ་འདི་ཁྱིམ་ཚང་བཟུང་ནས་སྟོང་པ་ཐེངས་འགའ་ཤས་གྱུར་ཟིན་པ་རེད་ཅེས་ད་ཡོད་ཁྱིམ་ཚང་གསར་པ་ཚོས་བརྗོད་ཅིང་། དུད་ཁྱིམ་སྟོང་པ་རྣམས་ཀྱི་གྱང་རོ་དང། གྲོ་ཆན་དང་སུར་པན་རྡུང་སའི་རྡོ་ཀོང་དོང་རྣམས་ཤུལ་དུ་ལྷག་འདུག་ལ། ས་ཆ་འདིར་མི་ལོ་བཞི་བརྒྱ་ལྷག་གི་རིང་ལ་གདུང་རབས་དང། དེ་ནས་དུད་ཚང་། དེ་ནས་བླ་དཔོན་སྦྲགས་མ། དེ་ནས་ནང་སོ་དཔོན་དང་། རང་འགྲུབ་དཔོན་ལ་གྱུར་བའི་བུ་རྒྱུན་ཕར་ཞོག་རང་འགྲུབ་ཚང་གི་གྱང་རོ་ཙམ་ཡང་མི་གདའ། གལ་ཏེ། སྔ་མོ་དེ་འདྲ་བྱུང་སྲིད་པའི་ཆ་བཞག་ནས་དཔྱད་ནའང་གྲོང་པ་མེད་པའི་ས་རོང་འདི་དཔོན་པོ་གཉིས་བྱུང་བར་ཁས་ལེན་ན། ལྷ་སྒྲུང་ལ་སྦྱར་ནས་མི་མངོན་སྟོང་པའི་དབྱིངས་སུ་འཇོག་རྒྱུ་ལས་ཐབས་གཞན་མེད་དོ། །

འདི་མཁྱེན་དགོས་པ་ཞིག་ལ། སྨར་ཚང་བཀའ་བརྒྱུད་ཟེར་བ་དེ་ས་རྡོ་བརྩིགས་པའི་དགོན་པ་ཞིག་དང་། རུས་རྒྱུད་འཛིན་པའི་བུ་རྒྱུད་ཅིག་དང་། དབང་བསྐུར་རོ་སྲེག་བྱས་པའི་བླ་མ་ཞིག་ལ་ངོས་བཟུང་ནས་བཤད་ན་ནོར་བ་ཡིན། སྨར་ཚང་བཀའ་བརྒྱུད་འདི་ཆོས་རྗེ་སྨར་པ་རིན་པོ་ཆེས་སྲོལ་བཏོད་པའི་ལྟ་སྤྱོད་སྒོམ་གསུམ་གྱི་བསྟན་པ་དར་བའི་ཡུལ་དེར་སྨར་ཚང་བཀའ་བརྒྱུད་ཡོད་ཅིང་། དེ་འཛིན་སྐྱོང་སྤེལ་གསུམ་བྱེད་པ་ནི་བསྟན་པ་དེ་འཛིན་གྱི་སྐྱེས་བུ་ཡིན་པ་ངེས་ཤེས་རྙེད་དགོས་པ་གལ་ཆེའོ། །

པདྨ་དང་བློ་བཟང་གཉིས་ཀྱི་བྲག་གཡབ་བླ་དགོན་གྱི་ལོ་རྒྱུས་ཤོག་གྲངས་༧༤་ལས། དགོན་པ་རིམ་རྒུད་གྲོང་དང་འདྲེས་མར་གྱུར་པ་ཞིག་ཀྱང་དགོན་ཁང་རྟེན་དང་བཅས་པ་དམངས་གཙོ་བཅོས་བསྒྱུར་སྐབས་བར་ཡོད་པ་རྩིས་བཞེས་གནང་ལུགས་དང་། རིགས་གནས་གསར་བརྗེ་སྐབས་རྩ་བཤིགས་སོང་ནས་ད་ལྟ་གྱང་རོ་རྗེས་ཤུལ་ཙམ་ཡིན་ཚུལ་ས་ཕྱོགས་དེའི་མིས་བཤད་བྱུང་ཞེས་ཟེར་བ་འདི། གོང་དུ་རིམ་པ་མང་པོ་རྒྱུན་ནས་ཁྱིམ་ཚང་གྱུར་རབས་བཤད་མ་ཐག་ཏུ། འདི་རིགས་གནས་གསར་བརྗེའི་བར་དགོན་ཁང་རྟེན་དང་བཅས་པ་ཡོད་ཚུལ་བཤད་པ་དེ་གཉིས་ནང་འགལ་འབའ་ཞིག་ཏུ་གྱུར་འདུག་པས། འོ་ན། རིག་གནས་གསར་བརྗེའི་གོང་དུ་ཤོ་དགོན་དེ་ཁྱིམ་ཚང་ལ་གྱུར་མེད་པར་ཐལ། དགོན་ཁང་རྟེན་དང་བཅས་པ་རིག་གནས་གསར་བརྗེའི་བར་ཡོད་པའི་ཕྱིར། དེས་ན་ཨ་ཕོ་ཚོ་ཀླད་པ་ཚ་པོ་ཆགས་སོང་ངམ།

གཞན་ཡང་ཁསམས་སྤྲུལ་ཀརྨ་བསྟན་འཕེལ་གྱི་རང་རྣམ་ལས། བཟའ་བཏུང་དགའ་རབ་རྙེད་ཀྱང་འགྲུལ་གྱི་སུན་པས་སྡོད་གནས་དབེན་ཞིང་འཚེ་བ་མེད་པའི་ས་ཁུལ་ཞིག་བྱུང་ན་རྒྱང་ཙམ་སྡོད་རྩིས་ཀྱིས་འོ་འཛོམ་འགོར་ཕྱིན། གྱང་རོ་འདུག་པ་བདག་པོས་འཛིན་མཁན་ཡོད་དམ་མེད་རྩད་བཅད་པས་འདི་ལ་སུས་ཀྱང་བདག་འཛིན་བྱེད་མཁན་མེད། སྔར་སྨར་ཚང་བཀའ་བརྒྱུད་དར་རྒྱས་སུ་འཛོམས་དུས་ཀྱི་དགོན་གནས་སུ་འདུག་ཅེས་གླེང་བས་རྟེན་འབྲེལ་ལེགས། ཞེས་གསུངས་འདུག་པས། རིགས་གནས་གསར་བརྗེའི་བར་དགོན་ཁང་རྟེན་དང་བཅས་པ་ཡོད་ན་བདག་པོ་འཛིན་མཁན་ཡོད་དགོས་ཤིང་། ཤོ་དགོན་ཕྱག་བཏབ་ནས་ལོ་བཞི་བརྒྱ་བཅུ་མེད་དགུ་ཡན་མན་ཙམ་ལ་ཁམས་སྤྲུལ་ཀརྨ་བསྟན་འཕེལ་གྱིས་དངོས་སུ་མཐོང་བའི་ཡུལ་དེ་གྱང་རོ་ཙམ་ལས་བདག་གིར་འཛིན་མཁན་མི་འདུག་གསུངས་པ་དང་ཡོངས་སུ་འགལ་བར་གྱུར།

འོ་ན། དགོན་ཁང་རྟེན་དང་བཅས་པ་ཡོད་ཟེར་བ་དེ་རྫུན་གཏམ་ཡིན་པར་ཐལ། ཁམས་སྤྲུལ་ཀརྨ་པ་བསྟན་འཕེལ་ས་དེར་ཕེབས་དུས་གྱང་རོ་ཙམ་ལས་བདག་གིེར་འཛིན་མཁན་མེད་པའི་ཕྱིར། རྟགས་འདིར། བཀྲ་ཤིས་ཚེ་རིང་གིས་ལན་ཅི་འདེབས་སམ། ཁམས་སྤྲུལ་བདེན་པ་མ་རེད་ཟེར་ན། ཁྱེད་ཀྱིས་སྔ་དྲོ་རྒྱབ་སྐྱོར་དུ་ལུང་དྲངས། ཕྱིས་དྲོ་རྫུན་ཁུངས་སུ་དྲངས་ནུས་སམ། གདན་ས་ཤོ་དགོན་གྱི་ཁོར་ཡུག་ལ། རང་འགྲུབ་དང། སྨར་ཤོད། མདོོ་ལྷུ། ཤོ་དགོན་ཟེར་བའི་མིང་ཚིག་འདི་དག་དེ་དུས་ནས་ཡོད་ན། ཁམས་སྤྲུལ་གྱིས་ཐ་སྙད་དེ་དག་གཅིག་ཀྱང་མ་བྲིས་པར་འོ་འཛོམ་འགོར་ལ་ཕྱིན་པ་ཡིན་ཞེས་ཅི་ཕྱིར་བརྗོད་པ་རེད། གལ་ཆེན་གྱི་གནས་དོན་འདི་དག་ལ་ཐེ་ཚོམ་སྤུ་ཙམ་མེད་པར་རལ་གྲི་གནམ་གཡུག་གིས་ཚིག་ཐག་བཅད་པ་དཔེ་མེད་རེད། འདིར་སྨྲས་པ།

     ལོ་རྒྱུས་ངན་ལ་གོམས་པའི་སྐྲན་ནད་ཀྱིས། །སྙིང་ཁམས་ན་ཟུག་ལོང་བའི་སྐྱེས་བུ་ལ། །

     རིགས་འཕྲུལ་སྨན་པའི་རྒྱལ་པོ་ང་ཡིན་པས། །དཀར་པོ་ཆིག་ཐུབ་སྨན་གྱིས་གསོ་བར་བགྱི། །

                 གྲུབ་ཆེན་ཉག་སེ་སྨར་ཚང་བཀའ་བརྒྱུད་བཟོ་འདོད་པའི་བསྐོར།

རྗེ་སྨར་པ་རིན་པོ་ཆེ་དང་གྲུབ་ཐོབ་ཉག་རེ་སེ་བ་རྣམ་གཉིས་ཕག་གྲུའི་ཞལ་སློབ་ཡིན་པར་ལོ་རྒྱུས་བྱུང་རིམ་མཐོང་བཞིན་དུ། བཀའ་འབུམ་རྒྱལ་ལ་སོགས་པ་འགའ་ཞིག་གིས་ཨུ་ཚུགས་བརྒྱབ་བྱས་ནས་ཉག་རེ་སེ་བ་སྨར་ཚང་བཀའ་བརྒྱུད་ཀྱི་ཆོས་བརྒྱུད་ནང་དུ་ཚུད་ཐབས་བྱས་པའི་དམིགས་ཡུལ་གང་ཡིན་མུ་མཐུད་དཔྱད་དགོས། སྨར་ཚང་བཀའ་བརྒྱུད་ཀྱི་བསྟན་པའི་རྗེས་འབྲང་ཞིག་ཡིན་ན། རྗེ་སྨར་པས་སྲོལ་བཏོད་པའི་ཐོས་བསམ་སྒོམ་གསུམ་གྱི་ལམ་དུ་ཞུགས་དགོས་པས། སྐབས་དེར་ཉག་རེ་སེ་བས་སྨར་པའི་མདུན་ནས་གདམས་ངག་ཞུ་བའི་ལོ་རྒྱུས་གང་དུ་ཡོད་དམ། གྲུབ་ཆེན་ཉག་རེ་སེ་བས་སྨར་པ་ངེད་གཉིས་བུ་སྤུན་ཚུལ་ཞེས་དང་། མཆེད་གྲོགས་སྨར་པ་ཞེས་གསུངས་པ་རྣམས་འགྲེལ་བཤད་ཇི་ལྟར་དགོས་སམ། དོན་དངོས་ཉག་རེ་སེ་བའི་ལོ་རྒྱུས་དང་ཡོངས་སུ་འགལ་བ་མ་ཚོར་རམ། ཡང་བྲག་གཡབ་བ་ཞིག་གིས་ཉག་རེ་སེ་བ་ཕག་གྲུ་བཀའ་བརྒྱུད་ཡིན་པ་ལས་སྨར་ཚང་བཀའ་བརྒྱུད་མ་ཡིན་ཞེས་ཨུ་ཚུགས་རྒྱག་ནས་སྒྲུབ་ཅི་ཐུབ་བྱས་པ་ཞིག་ཀྱང་སྣང་། གཏམ་དཔེ་ལ། སྤྲང་པོས་ལ་ཁའི་རྩྭ་རྩོད་དེ། རྩྭ་ཟ་རྒྱུ་མེད་པས་སྟོང་རྩོད་རེད། ཟེར་བ་ལྟར་མིང་རྐྱང་སྟོང་རྩོད་འདི་བཞགག་ནས། ཉག་བྲེ་བས་སྨར་ཚང་བཀའ་བརྒྱུད་ཀྱི་དགོན་ཤུལ་རྣམས་བསྐྱར་གསོ་བྱེད་ནས་སྨར་ཚང་བཀའ་བརྒྱུད་བྱེད་འདོད་ཡོད་ཚེ། སྨར་ཚང་བཀའ་བརྒྱུད་ལས་ཁུངས་ཀྱིས་དགའ་བསུ་དང་འབྲེལ་རྒྱུ་གྲོན་སྦྱར་རྒྱུའི་གྲལ་བསྒྲིག་ཨང་གསར་ཡོད།

                         སྨར་ཚང་ཉམས་ཞིབ་ཁང་གིས་གདན་ས་ཤོ་དགོན་གྱི་གནས་ཤུལ་ཞིབ་དཔྱད་བྱེད་བཞིན་པའི་བསྐོར།

IMG_8028.JPG20[1].jpg

སྨར་ཚང་ཉམས་ཞིབ་ཚོགས་པས་ཤོ་དགོན་དང་འགྲོ་མགོན་གངས་རི་ཀརྨའི་སྒྲུབ་ཕུག་ལས་ཡིག་རྙིང་རྙེད་པའི་བསྐོར་བགྲེ་གླེང་གི་པར་ཡིན།

ཁམས་སྤྲུལ་ཀརྨ་བསྟན་འཕེལ་གྱི་རང་རྣམ་ལས། རིམ་གྱིས་བྱམས་མདུན་དུ་ཕྱིན། ཆར་སློང་བྱས་པས་ཀྱང་བབས། ཆོས་ར་ཡང་རེ་ཟུང་འདུས་བྱུང་བར། བློ་སྦྱོང་། ཕྱག་ཆེན་དམིགས་ཐུན། ཚོགས་ཆོས་མོན་འཁོར་མ་ཆེ་ཆུང་སོགས་འཕྲལ་དགོས་འགའ་རེ་བཤད། བཟའ་བཏུང་དགའ་རབ་རྙེད་ཀྱང་འགྲུལ་གྱི་སུན་པས་སྡོད་གནས་དབེན་ཞིང་འཚེ་བ་མེད་པའི་ས་ཁུལ་ཞིག་བྱུང་ན་རྒྱང་ཙམ་སྡོད་རྩིས་ཀྱིས་འོ་འཛོམ་འགོར་ཕྱིན། གྱང་ར་འདུག་པ་བདག་པོས་འཛིན་མཁན་ཡོད་དམ་མེད་རྩད་བཅད་པས་འདི་ལ་སུས་ཀྱང་བདག་འཛིན་བྱེད་མཁན་མེད། སྔར་སྨར་ཚང་བཀའ་བརྒྱུད་དར་རྒྱས་སུ་འཛོམས་དུས་ཀྱི་དགོན་གནས་སུ་འདུག་ཅེས་གླེང་བས་རྟེན་འབྲེལ་ལེགས། ཕག་གྲུའི་སློབ་མས་བྱིན་གྱིས་བརླབས་པའི་གནས་སུ་འདུག་པས་གོ་བཅད་སྙམ། ཕྱོགས་གང་དུ་བལྟས་ཀྱང་ས་སྒྲ་མི་འདུག་ཅིང་རི་ཡི་རྩེ་ཟླུམ་པ་ཡིད་དུ་འོང་བ་གཅིག་འདུག་པས། བྱ་རྒོད་སྤུངས་པའི་རི་བོ་ཡིན་ཞེས་མིང་དུ་བཏགས། ཕྱོགས་ཐམས་ཅད་ནས་ལོ་ཐོག་གི་མདོག་སྣ་ཚོགས་པ་དང་། ལྗོན་ཤིང་གི་ཕྲེང་བས་ཚར་དུ་དངར་བའི་མཆོད་སྤྲིན་དུ་འདུག་པས་བག་ཕེབས། ཕྱོགས་ཕྱོགས་ནས་ཆོས་དོན་དུ་གཉེར་བ་མང་པོ་འོང་གིན་འདུག་པ་རྣམས་དད་བརྩོན་ཤེས་རབ་ཆེ་བས་དགེ་སྦྱོར་གྱི་སྐྱེས་ཕུལ་ཡང་དགའ་མོ་ཡོང་གིན་འདུག་ལ། བོད་སྐད་གཏན་ནས་མི་གོ་བའི་རིགས་སླེབས་བྱུང་བ་ལའང་། སྨར་སྐད་པར་ལོ་ཙ་བས་བསྒྱུར་དུ་བཅོལ་(བཅུགས)་ནས་བསླབས་པས་དགེ་སྦྱོར་སྐྱོང་བདེ་དགའ་མོ་བྱུང་སོང་། ཞེས་གསུངས་པ་ལ་ལྟ་ན། ཁམས་སྤྲུལ་གྱིས་འོ་འཛོམ་འགོར་ཟེར་བ་ཞིག་ལ་སྔར་སྨར་ཚང་བཀའ་བརྒྱུད་དར་རྒྱས་སྐབས་ཀྱི་རེད་ཟེར་བ་ཞིག་མཐོང་རབས་གསུངས་པ་འདི། རྗེ་སྨར་པ་རིན་པོ་ཆེས་ཤོ་དགོན་གྱི་རྒྱབ་རི་དེ་བྱང་རྒོད་ཕུང་པོ་རི་འདྲ་པོ་ཞིག་ཡིན་པ་ལ་དབྱིབས་སྒྲོན་མ་བཞུགས་ཚུལ་དང་འདྲ་བ་ཡོད་ཚུལ་སོགས་ཁྱད་ཆོས་དྲངས་པ་མང་པོ་ཞིག་འདྲ་པོ་འདུག་ཅིང་། གཞན་ཡང་འཇམ་མགོན་ས་པཎ་གྱིས། ཤར་ཕྱོགས་ཀྱི་སའི་ཆ་གནམ་འཕང་མཐོ་ཞིང་རྒྱར་ཡངས་ལ་ཡིད་དུ་འོང་བ། རི་བོ་ཆེན་པོ་རིན་པོ་ཆེ་འབར་བ་ལྟ་བུའི་ངོགས། རྩི་ཤིང་དང་ནགས་ཚལ་ཕུན་སུམ་ཚོགས་པ། མཛེས་པའི་མེ་ཏོག་སྣ་ཚོགས་དང་།  སྒྲ་སྙན་པའི་བྱ་དུ་མས་གང་བ། གྲུབ་པ་ཐོབ་པའི་སྐྱེས་བུ་རྣམས་ཀྱིས་བསྟེན་པའི་གནས།  དཔལ་གྱི་ཤོ་དགོན་ན། ཞེས་སོགས་གསུངས་པ་རྣམས་དང་འདྲ་བའི་ས་ཆ་དེ། སྔར་སྨར་ཁམས་རུ་ཤོད་ཀྱི་ཁྱབ་ཁོངས་དང་། ཡང་ན་སྔར་རུ་ཤོད་ཀྱི་ཁྱབ་ཁོངས་ཡིན་པ་ལ། དེང་སང་། གོ་འཇོ་དང། བྲག་གཡབ། གླ་རོང་སོགས་ལ་འཚོལ་ཉུལ་བྱེད་མུ་ཡིན། ཁམས་སྤྲུལ་གྱིས་ས་ཆ་དེར་སྨར་སྐད་རྒྱག་མཁན་འདུག་ཅེས་གསུངས་པ་ལྟར་ཡིན་ན། སྨར་ཁམས་ཀྱི་རོང་རྒྱུད་སོམ་པ་གྲུ་ཁ་ནས་གླ་རོང་སོགས་ཟླ་ཆུའི་རྒྱུད་གྱི་རོང་པ་རྣམས་ཀྱིས་ད་ལྟའང་སྨར་སྐད་རྒྱག་གིན་ཡོད་པས། ཤོ་དགོན་གྱི་གནས་ཤུལ་གང་དུ་ཡོད་མེད་མ་རྙེད་བར་མུ་མཐུད་རྒྱུ་གྲོན་སྦྱར་ནས་འཚོལ་རྒྱུ་གཏན་ཁེལ་བྱས་པ་ཞིག་ཡིན།

                         སྨར་པ་རིན་པོ་ཆེའི་འཁྲུངས་ཡུལ་རུ་ཤོད་ཡིན་པར་གཏན་ཁེལ་བའི་བསྐོར།

སྨར་པ་རིན་པོ་ཆེའི་འཁྲུངས་ཡུལ་དང་གདན་ས་ཤོ་དགོན་གྱི་གནས་ཤུལ་གང་དུ་ཡོད་མེད་ཀྱི་དཔྱད་པ་དེས་ཀྱང་། སྨར་ཚང་ཡབ་སྲས་རྣམས་ཀྱི་རྣམ་ཐར་དང་ལོ་རྒྱུས་ལ་གཞི་བཅོལ་ནས་ཐག་གཅོད་དགོས་པ་ལྟར། ཁམས་གསུམ་ཆོས་ཀྱི་རྒྱལ་པོ་སྨར་པ་རིན་པོ་ཆེའི་གསེར་ཞལ་མཇལ་ཞིང་གསུང་གི་བདུད་རྩིར་རོལ་བའི་སྐལ་ལྡན་གྱི་སློབ་མ་དགེ་སློང་ཆོས་ཀྱི་ཡེ་ཤེས་ཀྱིས་བརྩམས་པའི་རྗེའི་རྣམ་ཐར་ལས། མདོ་ཁམས་ཀྱི་ཤར་ཕྱོགས་འབྲི་ཀླུང་གི་ཆ་ལག་ཏུ་གཏོགས་པ། མ་མཐའ་ཡང་འདུན་སྟོང་རྩ་བརྒྱད་ཚང་བའི་སྨར་ཁམས་རུ་ཤོད་དགེ་རྒྱས་བྱེ་མའི་ཀློང་ཞེས་གསུངས་པ་ལྟར། ཆོས་རྗེ་སྨར་པའི་ཞལ་སློབ་གྲུབ་ཆེན་གཤའ་པ་ཤེས་རབ་གྲགས་པའི་རྣམ་ཐར་ལས་ཀྱང། ཁ་བ་ཅན་ལྗོངས་མདོ་ཁམས་སྒང་།།སྨར་ཁམས་ཞེས་བྱ་ཡོངས་གྲགས་སུ། །སྨར་གྱི་རུ་ཤོད་ཞིང་པ་ཐང་། །རྐྱང་ཟླ་ན་ཀྲའི་དབུ་མ་ཡིན། །ཀླུ་རྒྱལ་མི་མགོན་དཀར་པོ་ཡིས། །ཕོ་བྲང་བཏབ་པའི་ས་གཞི་ཡིན།།ཞེས་དང་། ཟོང་འདོད་དགུ་འབྱུང་བའི་ཚོང་དུས་ཡོད། །དཔལ་ཡོན་ཏན་འཛོམས་པའི་གྲོང་ཁྱེར་དེ། །ཞེས་ཞལ་སློབ་གཉིས་ཀྱིས་སྨར་ཁམས་རུ་ཤོད་ཅེས་མིང་ཚིག་རྣམས་མིག་ཕྱེ་བ་ལྟ་བུ་ཁ་གསལ་པོ་གསུངས་ཤིང་། བྱང་ཆུབ་འོད་ཟེར་གྱིས་ཙོམ་མདོའི་གདན་རབས་ལས། དེ་ལྟར་ཕག་མོ་གྲུ་པའི་ཉེ་སྲས་བཞིའི་ཡལ་གྱ་ཆོས་རྗེ་སྨར་པ་ནི་སྨར་ཁམས་སྒང་གི་ཆ་ལག་ཏུ་གཏོགས་པ་འབྲི་ཆུ་དང་ཟླ་ཆུ་གཉིས་ཀྱི་དབུས་སུ། ཞེས་སོགས་ནས་རབ་བྱུང་གཉིས་པའི་ཤིང་མོ་ཡོས་ཀྱི་ལོར་སྐུ་འཁྲུངས་ཞེས་རུ་ཤོད་ཡིན་པ་གཞི་བཞག་བྲིས་པར་མངོན་ཞིང། དེས་ན་ཚིག་གི་བདག་པོ་ཚིག་གིས་ཐག་བཅད་པ་ལྟར། རྗེ་སྨར་པ་རིན་པོ་ཆེའི་འཁྲུངས་ཡུལ་ནི་ས་ལ་ཀླུ་མི་མགོན་དཀར་མོའི་ཕ་བྲང་དང་སྡེ་ལ་རུ་ཤོད་ཉ་མོ་སྟོང་ཞེས་ཡོངས་སུ་གྲགས་པའི་སྨར་ཁམས་རུ་ཤོད་ཡིན་པར་རྩོད་མེད་ཡོངས་གྲགས་ཡིན་པས་དེ་ལ་རྩོད་པ་མེད་དོ། །

                          སྨར་ཚང་གི་གདན་ས་ཙོམ་མདོའི་གནས་ཤུལ་གཏན་ཁེལ་བའི་བསྐོར།

       22.JPG23.JPGIMG_7769.JPG

རྗེ་འགྲོ་མགོན་རིན་ཆེན་གྱིས་ཕྱག་བཏབ་པའི་གདན་ས་ཆེན་པོ་ཙོམ་མདོ་དགོན་གྱི་མདུན་རྒྱབ་དང་ད་ལྟའི་བཀོད་པའི་པར་ཡིན།

སྨར་ཚང་བཀའ་བརྒྱུད་ཀྱི་བསྟན་པའི་སྲོག་ཤིང་རྗེ་འགྲོ་མགོན་རིན་ཆེན་དཔལ་བཟང་པོ་མཆོག་ནི་སྨར་ཁམས་སྟག་ར་འབྲོག་པ་རིན་ལྡན་ཚང་གི་ཁྱིམ་དུ་ཡབ་ནོར་བཟང་ལྷ་རྒྱས་དང་ཡུམ་པདྨ་ཆོས་མོ་གཉིས་ཀྱི་སྲས་སུ་ཕྱི་ལ་༡༡༧༠་དབྱར་ཟླ་དང་པོ་ཚེས་གཅིག་ལ་སྐུ་འཁྲུངས། དགུང་ལོ་བཅུ་གསུམ་ལ་བཀའ་གདམས་གསེར་ཏོག་དགོན་གྱི་ཆོས་སྒོར་ཞུགས་ནས་དགེ་བཤེས་ཡེ་ཤེས་འོད་ཟེར་དང་། དར་མ་རིན་ཆེན་ལས་རབ་ཏུ་བྱུང་བས་མཚན་རིན་ཆེན་ནོར་བུ་གསོལ།  བླ་མ་དེ་གཉིས་ལས་མདོ་གཞུང་དང་གསོ་སྨན་སོགས་ལ་བྱང་ཆུབ་པར་མཛད། དགུང་ལོ་ཉི་ཤུ་ལ་གསང་ཕུ་ནེའུ་ཐང་དུ་ཕེབས་ནས་དགེ་བཤེས་ཕྱྭ་བ་ཆོས་ཀྱི་སེངྒེ་དང་། དགེ་བཤེས་གླན་རྒྱལ་བ་སོགས་ལས་ཆོས་མང་དུ་གསན་པར་མཛད། འཇིག་རྟེན་མགོན་པོ་དང་། དུས་མཁྱེན། ཤཱཀྱ་ཡེ་ཤེས་སོགས་ལས་བསྙེན་པར་རྫོགས། ཉི་མ་འོད་ཟེར་གྱིས་ལུང་བསྟན་ལྟར་རྗེ་སྨར་པ་རིན་པོ་ཆེའི་ཞབས་ལ་གཏུགས་ནས་བཀའ་གདམ་པའི་ཆོས་བསྐོར་དང་། བཀའ་བརྒྱུད་ཀྱི་ཕྱག་ཆེན་སོགས་ཐོས་བསམ་སྒོམ་གསུམ་བྱས་པའི་རྗེ་སྨར་པའི་སྲས་ཀྱི་ཐུ་བོ་ཞིག་ཏུ་གྱུར།

རྗེ་འགྲོ་མགོན་རིན་ཆེན་དཔལ་གྱིས་ཕྱི་ལོ་༡༢༠༠་ལོར་སྨར་ཁམས་རུ་ཤོད་ལ་ཙོམ་མདོ་གནས་གསར་དགོན་པ་ཕྱག་བཏབ་ཅིང་། གནས་མིང་དགོན་ལ་ཐོག་ནས་ཙོམ་མདོ་དང་ཤོ་དགོན་ལ་ལྟོས་ནས་གནས་གསར་ཡིན་པས། ཙོམ་མདོ་གནས་གསར་དགོན་པ་ཞེས་ཡོངས་སུ་གྲགས་པའི་ཆོས་སྡེ་ཆེན་པོ་འདིར། འཆད་རྩོད་རྩོམ་གསུམ་དང་ཐོས་བསམ་སྒོམ་གསུམ་ལ་བརྩོན་པའི་དགེ་འདུན་ཁྲི་ལ་ཉེ་བར་བྱོན་ཞིང་། སྨར་ཁམས་གསེར་མོ་ལྗོངས་ནས་མདོ་དབུས་ཁམས་གསུམ་ལ་སྐལ་ལྡན་གྱི་འགྲོ་བ་བགྲངས་བྱ་ལས་འདས་པ་གནས་སྐབས་དང་མཐར་ཐུག་གི་བདེ་བའི་ལམ་ལ་འགོད་པའི་མཛད་འཕྲིན་བསམ་གྱིས་མི་ཁྱབ་པ་བསྐྱངས།

འགྲོ་མགོན་ཆོས་རྒྱལ་འཕགས་པ་སོགས་དཔལ་ལྡན་ས་སྐྱ་པའི་བླ་ཆེན་རྣམས་ཧོར་ཡུལ་དུ་ཕེབས་ལམ་སྒར་ཚུགས་འབབ་ས་ལྟེ་བ་ཞིག་མཛད་སྲོལ་དར། གདན་ས་འདིར་དགོན་ལག་བརྒྱ་ལྷག་ཙམ་བྱུང་བ་རྣམས་ཡུལ་གྲུ་སོ་སོར་འཚོལ་ཉུལ་བྱས་དང་བྱེད་བཞིན་པ་ཡིན། ད་ལྟ་ཙོམ་མདོ་གནས་གསར་དགོན་པའི་གནས་ཤུལ་ནི་སྨར་ཁམས་རུ་ཤོད་དཔོན་གྱི་མངའ་ཁུལ་ཙོམ་མདོ་སྡེ་བའི་ཁོངས་སུ་ཡོད་ཚུལ་ངོ་སྤྲོད་ཟུར་ཙམ་ཡིན།

མདོར་ན། བྲག་གཡབ་བ་འགའ་ཞིག་གིས་མཐོང་ཐོས་དོགས་གསུམ་གྱི་ལོ་རྒྱུས་རྣམས་བསྡུ་རུབ་བྱས་པ་ཙམ་ལས་ཞིབ་འཇུག་གི་ལམ་ནས་ངེས་དོན་རྙེད་པ་ཞིག་ལ་ངོས་འཛིན་ཞུས་ཀྱིན་མེད་ལ། བཟོད་སེམས་མི་ཐུབ་པའི་ཚོར་བ་དེ་བས་ཀྱང་མེད། ལོ་རྒྱུས་སྨྲ་བ་ཇོ་སྲས་བཀྲ་ཤིས་ཚེ་རིང་གིས་ལོ་རྒྱུས་དཔྱད་ཞིབ་བྱས་ནས། མཇུག་བསྡུའི་མཚམས་སྦྱོར་གྱི་གཏམ་གླེང་ལྷག་བསམ་རང་མདངས་དཀར་པོའི་མེ་ཏོག་སེལ་མ་ཟེར་བ་ཞིག་རྩོམ་བྲིས་བྱས་ཏེ། ཨ་མྱེས་རྨ་ཆེན་བོད་ཀྱི་རིག་གཞུང་ཞིབ་འཇུག་ཁང་དང་འགྲོ་ཕན་གཙུག་ལག་ཁང་གཉིས་དཔུང་སྒྲིལ་གྱིས་དཔར་བསྐྲུན་བྱས་པའི་དེབ་ཀྱི་ནང་དུ། ཇོ་སྲས་ལགས་ཀྱི་གཏམ་གླེང་མེ་ཏོག་སིལ་མ་འདི་ལ་ཕྱི་རབས་ཀྱི་མཁས་བླུན་འགས་དཔང་དུ་བཙུགས་ནས།

འགྲོ་མགོན་སྨ་ཚང་ཡབ་སྲས་ཀྱི་ལོ་རྒྱུས་གངས་ལྷ་མེ་ཏོག་དེ་བསུབ་ཉེན་མཐོང་སྟེ། གཡུ་འབྲུག་སྔོན་མོ་མཚོ་ལས་བཞེངས་ནས་ལོ་རྒྱུས་ནམ་མཁའི་ཀློང་ལས་ལུང་རིག་གི་སེར་བས་མེ་ཏོག་སིལ་མ་དེ་གཏོར་བ་ཞིག་ཡིན། དེ་ཡང་དཔལ་ལྡན་ཟླ་བ་གྲགས་པས།གལ་ཏེ་འདི་ནི་རྣམ་པར་བཤད་པ་ན། །གཞན་གཞུང་འཇིགས་པར་འགྱུར་ན་ཉེས་པ་མེད། །ཅེས་གསུངས་པ་ལྟར་ཡིན། འདི་དམིགས་ཀྱིས་བཀར་ནས་བརྗོད་དགོས་པ་ཞིག་ནི་དགའ་ལྡན་ཕོ་བྲང་གིས་རྒྱུ་གྲོན་སྦྱར་བའི་མདོ་སྟོད་ཀྱི་ལོ་རྒྱུས་འབྲི་བཞིན་པའི་ནང་དུ་སྨར་བྲག་གཉིས་ཀྱི་ལོ་རྒྱུས་ལ། འཁྲུག་རྩོད་ཅི་བྱུང་ཡང་འགན་འཁྲི་ཆ་ཚང་ཇོ་སྲས་བཀྲ་ཤིས་ཚེ་རིང་ལགས་ལ་ཡོད་པས་འགོ་རྩོམ་ཕོད་པ་ལ་མཇུག་བསྡུར་ཐུབ་པ་གནང་རོགས་ཞེས། སྨར་ཚང་བཀའ་བརྒྱུད་ཀྱི་དབུ་འཛིན་གངས་རི་ཀརྨ་པས་འབོད་བསྐུལ་དང་འབྲེལ་འཕྲིན་ཡིག་འདི་ཕྱི་ལོ་༢༠༡༦་ཟླ་བ་༩་ཚེས་༢༨་ལ་ཕུལ། །