ཆོས་རྗེ་ཀརྨ་སེངྒེ་ནི་ཕྱི་ལོ་༡༢༤༨ ས་སྤྲེལ་ལོ་རྒྱལ་མོ་རོང་དུ་ནོར་མཛོད་ཚང་གི་ཁྱིམ་དུ་ཡབ་མགོན་པོ་ཚེ་རིང་དང་ཡུམ་སྒྲོལ་མ་ལྷ་མོ་གཉིས་ལས་སྐུ་འཁྲུངས། དགུང་ལོ་བཅུ་གཉིས་ལ་ཡབ་ཀྱིས་བོན་དགོན་ཞིག་ཏུ་བོན་ཆོས་བསླབས་ཀྱང་བསླབ་འདུན་མེད་པས་དབུས་ལ་བྲོས་འགྲོ་དུས་ལམ་ཞོར།
སྨར་ཁམས་སུ་སྨར་ཚང་བཀའ་བརྒྱུད་ཀྱི་གདན་ས་གཉིས་པ་ཙོམ་མདོ་གནས་གསར་མགོན་དུ་ཕེབས་དུས་འགྲོ་མགོན་རིན་ཆེན་མཇལ་བ་དང་དད་གུས་ཚད་མེད་སྐྱེ། ཙོམ་མདོ་དགོན་གྱི་མཁན་པོ་ཀརྨ་རིན་ཆེན་སོགས་ལས་རབ་ཏུ་བྱུང་བས་མཚན་ཀརྨ་སེངྒེ་གསོལ། མཁན་པོ་དང་འོད་ཟེར་ནོར་བུ་སོགས་དགེ་བའི་བཤེས་གཉེན་གྱི་ཞལ་ལས་དབུ་མ། ཕར་ཕྱིན། འདུལ་བ། མངོན་པར་མཛོད། ཚད་མ་སོགས་མདོ་གཞུང་ཐམས་ཅད་ལ་ཐོས་བསམ་སྒོམ་གསུམ་མཛད་པས་མཁས་པ་གྱུར། འགྲོ་མགོན་རིན་ཆེན་ལས་སྨར་ཚང་ཕྱག་ཆེན་དང་ཆོས་དྲུག་སོགས་གསན་བསམ་སྒོམ་གསུམ་མཛད་པས་ཉམས་རྟོགས་སྐྱེས། འགྲོ་མགོན་རིན་ཆེན་དང་རྒྱལ་མཚན་འོད་ཟེར་སོགས་ལས་བསྙེན་པར་རྫོགས། ཙོམ་མདོ་གནས་གསར་དགོན་གྱི་རྒྱལ་ཚབ་གསུམ་པའི་ཐུགས་འགན་བཞེས་ནས་དགེ་འདུན་རྣམས་ལ་ཆོས་ཁྲིམས་རྒྱུན་སྐྱོང་མཛད་པས། གདན་ས་འདི་སློབ་གཉེན་ལ་ཡར་རྒྱས་གོང་སྤེལ་བགྱིས་པའི་མཛད་རྗེས་རླབས་ཆེན་བསྐྱངས་ནས་ཕྱི་ལོ་༡༣༠༡་ལོ་ལྕགས་གླང་ལོ་བདེ་བར་གཤེགས།
རྒྱལ་སྤྱི་ལོ་རྒྱུས་ཁྲིམས་ལུགས་ལྟར་ལོ་རྒྱུས་འདི་དེབ་སྐྱེལ་བྱས་པའི་བདག་དབང་སྨར་ཚང་བཀའ་བརྒྱུད་རྒྱལ་ཡོངས་ལས་ཁུངས་ལ་ཡོད་པས་ཆོག་མཆན་མེད་པ་གང་འབྱུང་ཕབ་བཤུ་དང་ཡིག་རྐུ་བྱས་ཚེ་ཁྲིམས་ལུགས་ལག་སྟར་བྱ་རྒྱུ་ཡིན།